روت المطربة الشابة ياسمين علي عن حادث حريق تعرضت له في منزلها، وشاركت ياسمين علي صور الحادث عبر صفحتها الرسمية على موقع “إنستجرام”.
وظهر في الصورة حريق في سقف غرفة، ووصل إلى مروحة كهربائية، وعلقت ياسمين: “مابحبش الطاقة السلبية والله بس أعمل إيه طيب.. هاحكيلكم حاجة صغننة امبارح الساعه 2 بالليل من العادة ببقى قاعدة مع بابا وماما ويحيي بنتفرج عالتليفزيون قمت عشان أروح أوضتي أنام، دخلت الأوضة قعدت دقيقة شامة ريحة بلاستيك محروق ومش فاهمة الريحة جايه من فين، فجأة بدون مقدمات وربنا عالم باللي حاقوله”.
وأضافت ياسمين علي :”لقيت السقف علي وسعه مولع نار كله بمعني الكلمه وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه ) كل ده ف لحظات اتاري الجار من فوق في مية بتنزل من عنده عالسقف عندنا فعملت ماس فالكهرباء وحصلت النار اللي شوفتها دي”.
وتابعت ياسمين: “لو ماكنتش دخلت الاوضه ف التوقيت اللي روحت فيه، الله اعلم كان حصل ايه..وقبلها بكام يوم كنا لسه عاملين حادثه بالعربية مع عربية نقل كبيرة، فما تنخدعوش بالضحك اللي بضحكه ..كل واحد له فيلم عايشه ..احمدوا ربنا علي كل لحظة امان انتوا عايشينها بدون ترويع وعدم ستر وماتبصوش لحياة حد ابدا من بره”.
