كهربا يوجه رسالة لجماهير الأهلي .. وجه محمود عبد المنعم كهربا رسالة شكر وتقدير لجماهير الأهلي وكل من وقف بجواره وقت محنته وإيقافه ٦ أشهر، مشيرا الى أن بعد الصبر جبر ولا يوجد كلام يوفي الجمهور العظيم حقه.
وقال كهرباء قي تدوينة له على مواقع التواصل الاجتماعي “فيس بوك”: “بعد إيقاف 6 شهور الحمد لله قدرت أقف على رجلي تاني و بسرعه جدا و أكمل مسيرتي ، موسم صعب و كله ضغوطات إنتهي بأن الأهلي بطل كل حاجه و بكرم ربنا و دعم جمهور الأهلي قدرنا نحقق كل البطولات إللي شاركنا فيها مكنش هينفع إننا نستسلم في وسط الطريق كان لازم نكمل للاخر زي الأهلي ما عودنا كنت بستني الإيقاف ينتهي بفارغ الصبر علشان أقدر أشارك و أجتهد”.
كهربا يوجه رسالة لجماهير الأهلي
واضاف كهربا في تدوينته “إتعرضت لضغوط كتير و ناس بتحاول إنها تعطلني بس ربنا كان ديما في ضهري و نصرني الحمدلله فا اي ضغط من الضغوطات الكتير الي اتعرضتلها كنت برميه ورا ضهري و أركز في تمريني و اركز في الملعب وأسعد جمهور النادي في محاولة إني أرد و لو جزء بسيط من فضل جماهير النادي في دعمهم ليا و وقوفهم في ضهري من أول يوم كنت فيه في النادي ولا أي كلام هيوفيهم حقهم ولا هيوصف اللي في قلبي من ناحيتهم الحمد لله قدرنا نحقق كل حاجه”.
واختتم محمود كهربا تدوينته ” في النهاية بشكر كل شخص قدملي المساعده ووقف جنبي من اول بيتي النادي الاهلي ومجلس الاداره والمدير الفني والجهاز بأكمله واخواتي في الملعب الي عمال غرفه النظافه والمنظومه جميعا .. بشكر كل إللي وقف جمبي و كان بيشجعني و كان حافز إني أكمل و مستسلمش شكرا من كل قلبي 🙏🏼 الحمد لله ❤️🦅⚡️”.
