شارك المطرب الشعبي أحمد شبية جمهور بمقطع فيديو غنائي مع الفنان السوري جورج وسوف في أول لقاء يجمعهم بعد أحياءه حفلة الأخير بالإسكندرية.
ونشر أحمد شيبة عبر موقع تبادل الصور والفيديوهات ” انستجرام” مقطع فيديو له مع جورج وسوف أثناء مشاركته في غناء أغنية دول مش حبايب، معلقًا عليها ” الناس، الناس على الطيب بتعيب”.
View this post on Instagram
الجمهور ينتقد أحمد شيبة
وكشف أحمد شيبة، سبب إحيائه الحفل عقب وفاة شقيقه بفترة قصيرة في تصريحات تلفزيونية، قائلًا: “أخويا لما توفي كان عندي 3 أفراح وحفلة، وتاني يوم كان عندي حفلة، وأخويا توفى على إيدي رجعت من برة لقيته تعبان خدته المستشفى قالولي اتوفى”.
وتابع شيبة: “كنت في موقع صعب بكلم نفسي واتصلت بعدها بمدير أعمالي قولتله ألغي الشغل وكان يوم صعب جدا، وأمي قالتلي انت كده كده هتنزل الشغل يابني وقولتلها أنا مش قادر أمسك المايك”.
وأضاف: “أنا نزلت بعدها فعلا شغل وكانت أول حفلة بعد الوفاة بـ11 يوما، عملت 3 أو 4 حفلات لكني ما كنتش عايز أنزل، وقلبي ما كنش مطاوعني إني أنزل، بس الناس ملهاش ذنب، والفرقة اللي معايا ملهاش ذنب، بس الله أعلم باللي جوانا، كل واحد بيبقى فيه حزن في قلبه، والفرقة رزقها يوم بيومه، عشان محدش يفهمني غلط أنا نزلت بقالي 3 أيام لأن فرقتي تقريبا 50 فردا، رزقهم يوم بيومه”.