واقعة مؤسفة تعرضت لها محامية تدعى “ي” خلال توجهها لعملها، بعدما أقدم سائق على خطفها وهتك عرضها وسرقتها مستغلًا وحدتها داخل “ميكروباص” قيادته بالتجمع الخامس، وحصل “الأيام” على نص التحقيقات مع المجني عليها في واقعة اتهام سائق ميكروباص بهتك عرض فتاة بالتجمع الخامس.
ننشر نص التحقيقات:
س/ ما تفصيلات ما حدث؟
ج/ اللي حصل أني كنت رايحة التجمع الخامس عند المحكمة ولقيت الميكروباص ده واقف قدامي وقالي أنا رايح شارع التسعين، وأنا ركبت لقيت السواق مشي في طريق غلط غير الطريق اللي أنا رايحاه ومش بيركب حد معانا وفوجئت بيه دخل منطقة فاضية ومفيهاش سكان، ولما حاولت أنزل لقيته راح مسكني من رجلي من أعلى الركبة من عند فخدي الشمال ومسك الشنطة بتاعتي علشان يمنعني من النزول.
س/ وما الذي حدث في أعقاب ذلك؟
ج / أنا قدرت أقاومه وأنزل من العربية ولما لاقاني نزلت من العربية وهزعق وألم الناس راح جري بالعربية وهرب وأنا روحت عملت محضر.
س/ ما هي كيفية تقابلك مع المشكو في حقه؟
ج/ أنا كنت واقفة عشان أركب وأروح المحكمة لقيت الميكروباص ده جه قدامي وقالي أنه رايح شارع التسعين فأنا ركبت معاه في الكرسي اللي جنبه.
س/ وهل من حوار دار بينك وبين المشكو في حقه؟
ج/ آه، لما لقيته مشي من طريق تاني سألته مشيت من هنا ليه راح قالي إنه هيمشي من ورا المستشفى الجوي، لقيته بعدها دخل في حتة مقطوعة.
س/ وما هي الأفعال التي بدرت من المشكو في حقه تحديدًا؟
ج/ وأنا راكبة جنبه لقيته مرة واحدة حط إيده على رجلي من عند فخدي الشمال وكان عاوز يتحرش بيا وبعدين حاولت أفتح الباب كان مقفول وقعد يشدني من الشنطة بتاعتي عشان يسرقها ومنزلش لحد ما عرفت أنزل من العربية ولما لاقاني هزعق وألم لناس عليه جري بالعربية.
س/ هل أبصر أحد واقعة التعدي عليكي؟
ج/ لا إحنا كنا في حتة مقطوعة.