تصدرت الفنانة عارفة عبد الرسول “التريند”، بعد تصريحاتها المثيرة للجدل التي قالتها أمس، عندما تحدثت عن العديد من الأمور الخاصة بها، وكواليس تربيتها وسط عائلة متفتحة.
وأشارت عارفة عبدالرسول أن والدها كان يسمح لها أن ترتدي “المايوه”، ويشتري لها واحدًا جديدًا عندما يُبلى القديم.
وقالت عارفة عبد الرسول هذه التصريحات المثيرة للجدل، خلال حلولها ضيفة في برنامج “كلام الناس” الذي تقدمه المذيعة ياسمين عز، عبر شاشة قناة mbc مصر.
أبرز تصريحات عارفة عبد الرسول مع ياسمين عز
- اشتغلت مع والدي في محل البقالة في الاسكندرية وآخذ مرتب، وأركب العجلة واروح اجيب بضاعة، وأقطع بسطرمة وجبنة رومي”.
- والدي قالي أنا زهقت من البقالة، وأفكر في أن أفتح محل كوافير لكن دي مش مهنتنا فقولتله هتعلمها.
- اشتغلت كوافيرة لمدة سنة لكن المشروع فشل لأننا وسط سوق الحضرة فالاقبال هيبقى صعب أوي والشكل هيكون مش مظبوط”.
بوظت حاجب واحدة وجريت ورايا بالشبشب
- “بوظت حاجب واحدة وجريت ورايا بالشبشب وفضلوا يخبوني وقالو لها معلش متعرفش، فقالت لهم لما هي متعرفش موقفينها تشتغل ليه؟”
- “اشتغلت مندوبة في شركة الشرق للتأمين لأنني تعودت أصرف على نفسي ومحدش يصرف عليا”.
- “أحيانًا ألاقي شاب شيك وشكله نظيف معدي، وأقول لجوزي شايف يا مصطفى الواد ده جميل إزاي، وأتمنى ابني يلبس زيه، وجوزي لو شاف بنت جميلة بيقول”.
في شغلنا عادي اننا نسلم ونبوس
- “في شغلنا عادي إني أتعامل مع شباب كتير، وهو يتعامل مع بنات كتير، وعادي إننا نسلم ونبوس، لكن لو شعرت بحاجة مش مظبوطة مش هسلم تاني، وفي واحدة عينيها بتفضحها”.
- “الرجالة عندهم عنترية مش معروف سببها، لكن لما تتعاملي معاهم تلاقيهم غلابة”.
- “زواجي استمر 44 عامًا، وكنا أصحاب قبل ما نكون زوجين، وكنا زملاء في كلية فنون جميلة واحنا الاثنين بنحب المسرح، فالبداية كانت الحياة صعبة وطبعا كان في خناقات ومشاكل بس كانت بتعدي، لأن الموضوع محتاج صبر أنا كنت بسكت وقت الخناق، وكانت الأمور كلها بتهدي بفنجان قهوة، وكنت بقولة يا أستاذ مصطفي في الشغل”.
نشرت صورتي بالمايوه، الناس قالولي اتلمي يا ولية
- “لما نشرت صورتي بالمايوه، الناس قالولي يا ولية اتلمي.. واللي يقولي أنتي مش مكسوفة من نفسك، وفيه ناس طلبت مني أحذف الصورة، لكن أنا عندي كلمة واحدة ولو عملت حاجة غلط ممكن أعتذر عنها لكن مش ممكن أرجع في كلمتي أو موقفي”.
- “أنا من جيل لما المايوه كان يصغر عليَّ، أبويا كان ينزل يشتري ليا واحد غيره”.
أنا وجوزي خناقتنا بتخلص بفنجان قهوة
- ” أنا وجوزي خناقتنا بتخلص بفنجان قهوة وبقوله يا أستاذ ويا بابا، وهو بيشتغل مخرج، وأناديه بـأستاذ مصطفى في العمل، وهو يناديني بـ أستاذة عارفة”.
- “لما بيدخل فردين جداد في العيلة بتلاقيهم مش عايزين يخلطوا بين أولادهم بسبب الميراث، وزوجة ابني قالتلى يا طنط انتى لازم تقسمي بالشرع، وفي مرة كتبت بوست بخصوص الموضوع ده واتهاجمت فيه، وبعدين في شخص دخل فهمني وقالي يا مدام عارفة انتى فاهمة غلط في حاجة اسمها هبة اللي هو تهبي وانتى عايشه اللي هو النص بالنص”.