كشفت الفنانة نسرين أمين، أولي ضحايا برنامج المقالب للفنان رامز جلال، المقرر عرضه في رمضان 2023 عن المقلب .
وقالت نسرين، في لقاء مع الإعلامية إنجي علي عبر برنامج “أسرار النجوم”: “السنة دي اتبهدلت بهدلة كبيرة في مقلب رامز واتصابت في إيدي، والمقلب جامد ومش سهل ومش أي حد يتحمله”.
وأضافت: “أنا معملتش في رامز اللي أنا عايزاه أوي عشان الكاميرات، وقولت اللي ينفع يتقال قدام الكاميرا”، ولم تكشف نسرين أمين عن طبيعة المقلب و لكنها وصفته بالصعب.
هاني رمزي: بسمع أغاني مهرجانات وبحب عمر كمال
وفي سياق متصل، قال الفنان هاني رمزي، إنه لم يقلد رامز جلال حينما قام بعمل برنامج «مقالب»: «مينفعش حد يجي يقولي أني بقلد رشدي أباظة عشان عملت فيلم، برنامج المقالب مش حكر على حد، والبرنامج اللي عملته نجح جدا، وفكرته كانت كويسة ولم يفشل على الإطلاق».
وأضاف «رمزي»، خلال لقاء خاص مع الإعلامية أسما إبراهيم، في برنامج «حبر سري»، أنه لم يقدم برنامج «مقالب» جديد، لعدم وجود فكرة برنامج جديدة أو منتج لها، مؤكدًا أنه لن يتردد في تكرار التجربة.
واختتم: «محدش من اللي كان معايا في برنامج المقالب كان عارف أني عامل فيهم مقلب، وانا للأسف قلبي ضعيف في الحاجات دي، وبعض الفنانين رفضت إذاعة حلقاتهم منهم ديانا حداد، أما وليد توفيق فرفض الظهور على الشاشات، وقال مبنطلعش في البرامج دي».