قال الرئيس عبدالفتاح السيسي، رئيس الجمهورية، إن كل عمل يتم إنجازه بإخلاص وتفانٍ ستكون نتيجته جيدة، مستطردا: «لسه المشوار قدامنا شوية كمان، لكن البداية الحقيقة في اللي أنا شايفه موفقه جدا، وبتمنالكم التوفيق، استمروا وحسنوا من أدائكم في التعليم والتدريب، وكل شيء».
أضاف السيسي خلال جولة تفقدية لمقر أكاديمية الشرطة فجر اليوم، المذاع على فضائية «إكسترا نيوز»، أن التدريب الذي يتلقاه طلاب كلية الشرطة، هدفه إخراج إنسان فاهم وجاهز، قادر على أن يؤدي مهمة كبرى موكلة له، وهي حماية الوطن.
وأوضح: «بالمناسبة دي أشرف مهمة يقوم بيها أي إنسان، هي حماية مصر، والوطن في أي بلد في العالم، وبهنيكم وبتمنالكم كل التوفيق وكل عام وأنتم طيبين».
ودعا الطلاب لأن يهتموا بأنفسهم وزملائهم في الكلية، وكذا متابعة كل الأحداث الجارية، وأن يكونوا على قدر كبير من الوعي والفهم، «متسيبش حاجة تعدي عليك من غير ما تفهمها وتعرفها كويس».
أضاف السيسي، أن فترة الكلية مهما اختلفت عدد سنواتها، فجميعها ستمر بسلام، موضحًا: «زي ما جينا النهارده بنهنيكم هيكون بردو فيه يوم تاني هنهنيكم، وانتوا بتتخرجوا من الأكاديمية، وموفقين إن شاء الله، وبشكركم وبشكر قادة الأكاديمية ووزارة الداخلية، وبتمنالكم دائماً كل التوفيق، وكل سنة وانتو طيبين».