أكد الرئيس عبد الفتاح السيسي ، اليوم الإثنين ، أن الدولة حريصة على عدم رفع الأسعار، قائلا: إحنا كدولة حرصنا إننا منزودش، يعني الدكتورة هالة وزيرة التخطيط قالت الذرة زادت 60% و70% وإحنا بنستورد معظمه.
جاء ذلك خلال تعقيب الرئيس عبد الفتاح السيسي على حديث الدكتورة هالة السعيد، وزيرة التخطيط والتنمية الاقتصادية، في حفل افتتاح مشروعات جديدة بمحافظة الإسكندرية.
وأضاف الرئيس السيسي: بقول الكلام ده عشان الناس بتقول الأسعار غالية برة، مفيش كلام، لكن الهدف من اللي بنقوله الحكاية إيه والدولة عاملة إزاي.
وتابع الرئيس: ممكن حد يقولي مش كفاية، أنا موافق أوي، أنا زودت الحد الأدنى للقطاع الحكومي، لكن باقي الدولة مش حكومة ده قطاع خاص، مقدرش أفرض عليه في ظل الوضع ده، ومع أزمة التوريد والطاقة أكيد هيرفع الأسعار عشان يعوض التكلفة.
وواصل رئيس الجمهورية: لو حطينا التكلفة الحقيقية للسماد والكهرباء هيبقى فوق طاقة الناس، الغاز زاد 170% لو وزارة الكهرباء أو مصانع الأسمدة بتاخد بالسعر ده هيحصل إيه.