أكدت الفنانة لوسي، أنها من علمت النجمة العالمية شاكيرا الرقص الشرقي، إلى جانب فيفي عبده وعدد من الراقصات المصريين، لافتة إلى أن الطبال الخاص بشاكيرا كان يحصل منها على بعض الأدوات الخاصة بالرقص.
وقالت لوسي: “طبال شاكيرا كان بياخد مني الأحزمة اللي بتشخلخل، ويديني سيديهات وأديله حركات وأعرفه الرعشة بتتعمل ازاي”.
لوسي تتحدث عن رقص شاكيرا
وأضافت “لوسي“، خلال لقاء خاص مع الإعلامية بسمة وهبة، في برنامج “العرافة” المذاع عبر فضائية “المحور”، أن شاكيرا حصلت على فيديوهات لها من أجل أن تتعلم منها، من خلال الطبال الخاص بها، “ولما شفت فيديوهاتها عرفت أنها اتعلمت من الحاجات بتاعتي”.
وتابعت لوسي: “شاكيرا اتعلمت مني الرعشة والتقسيمة، كل الحاجات اللي بتعملها شاكيرا دي شغلي، الراقصات بتتعرف من شغلها، أي حد بيرقص ممكن يعرف دي بترقص على طريقة مين”.
وأردفت، أنها وقفت مع غادة عبد الرازق لتضع لها بعض النقاط الخاصة بالرقص، “غادة بتعرف ترقص بس كان لازم أديها بعض القواعد المعينة عشان تبان أنها رقاصة”.