حلت الفنانة دينا الشربيني ضيفة على برنامج “معكم”، الذي تقدمه الإعلامية منى الشاذلي عبر قناة cbc، كشفت خلاله لأول مرة عن خضوعها لعمليات التجميل واصباتها بفيروس كورونا 5 مرات .
وكشفت الشربيني، عن سر خضوعها لعمليات تجميلة خلال الفترة الماضية مشيرة الي أنها لا تتعرض للحقن قائلة: “أنا خوافة جدا وعندي فوبيا في الموضوع ده، بس عملت بوتكس وفيلر وهيجيلي سن هحتاج أعمل فيه عمليات تجميل، عملت بقى، وعملت عمليات فى وشي، وعلمت حاجات كتيرة ونفسي اعمل عملية فى مناخيرى “.
وبسؤالها عن ما تعلمته من تجاربها السابقة، قالت دينا الشربيني أنها تعلمت ألا تحكم على حياة الأشخاص من الخارج، قائلة: «اتعلمت إن ممكن ابقي شايفة حد من برا إن حياته بشكل ما لكنها في الحقيقة بشكل تاني.. يعني ممكن تبقي شايفة حاجة من برا بس عمرك ما هتبقي عارفه ايه اللي جوا.. لذلك لا تحكم ولا تتكلم في الموضوع أصلا لان عمرك ما هتعرف ايه اللي بيحصل».
أضافت: «اتعلمت كمان إن دايما ربنا بيبقي شايلك الأحسن وبيجبلك الحاجات في الوقت المناسب.. ومفيش حاجة ربنا عملهالك من غير سبب.. هو عملها عشان تتعلمي منها حاجة».
من جانبها، قاطعتها منى الشاذلي قائلة: «يعني اتعلمتي إن مينزلكيش صورة مكتوب عليها فريق العمل؟» لتجيب دينا الشربيني ضاحكة: «ده أكيد.. والله ما هتشوفوني فريق عمل في حياتي.. هيبقي في عمل بس».
تابعت: «فضلت فترة بيتقال (فريق العمل راح وجه)، بس أنا مش من النوع اللي بيدور كتير على السوشيال ميديا فمكنتش بقرأ كل الكلام ده، وكمان عمري ما هعرف أحكم الناس يقولوا إيه وميقولوش إيه، بس اتعلمت إن بعد كده مش هيبقى في فريق عمل هيبقى في عمل بس».