قالت الفنانة رانيا يوسف، أنها أكبر من الفنان أحمد الفيشاوي بحوالي 3 أو 4 سنوات فقط موضحة أنهما يشاركان معا في فيلم «ورد وريحان»، مستنكرة الشائعات حول ارتباطهما .
وعبرت رانيا يوسف عن دهشتها من شائعات زواجها متسائلة: «هو أنا كل واحد أمثل معاه أتخطب له؟ ده نوع من الدعاية للفيلم، أحمد راجل لطيف ودمه خفيف وحبينا نهزر، هزرنا ونزلت الصور».
وعن سعي الفيشاوي للزواج من سيدات أكبر منه سنا عقبت مازحة: “هو أحمد لا عاتق الصغير ولا عاتق الكبير”.
واضافت :”إحنا زملاء وأخ عزيز عليا جدًا، ولو أتقدم لي مش هوافق عليه، لأن ليا حاجات بتريحني معينة لو محستهاش مش هخوض التجربة تاني.
جاء ذلك خلال لقاء لبرنامج «حبر سري»، المذاع عبر فضائية «القاهرة والناس»، مساء الأربعاء.
أكدت رانيا يوسفأن تؤيد وجود دريس كود لمهرجان القاهرة السينمائي، مضيفة: «مش مطلوب مننا نروح بونيفورم، طبيعي ده مهرجان سينمائي دولي إحنا هنروح بعبايات مثلا؟ إحنا بنلبس كويس أوي وذوقنا حلو أوي»، بحسب وصفها.
أوضحت رانيا يوسف أنها تلقت اعتذارًا من المتحرشين بها على مواقع التواصل الاجتماعي، قائلة إنها اتخذت الإجراءات القانونية بحق البعض الآخر من المتمادين.
ونفت معرفتها بمصير البلاغات المقدمة، معقبة: «كنت ناوية أكمل، بس في ناس راجعت نفسها وقلت خلاص المسامح كريم، أنا شخصية مسالمة بس اللي بيجي جنبي أخربشه، مش كل حاجة لازم نقف عندها حياتنا فيها تفاصيل كثيرة».