قالت الإعلامية ياسمين عز، يجب على امرأة أن تحظى بالحب، وتبتعد عن «السنجلة»، مضيفة: « السنجلة مش هتنفعك ومج الجواز مش هيدفيكي فرعونك هو اللي هينفعك ودبلة الجواز هي اللي هتدفيكي»
ياسمين عز توجه رسائل للسيدات في عيد الحب
وأضافت «عز»، خلال تقديمها برنامج «كلام الناس»، المذاع عبر فضائية «إم بي سي مصر»، أن عيد الحب متواجد من 18 قرن مضي، والبعض يحاول في الاحتفال به في الوقت الحالي، موجهة رسالة للبنات: «انتي لسه فاكرة تحتفلي بعيد حصل من 18 قرن فات، وناسية تعملي لجوزك الغدا، ناسية ميعاد رجوع جوزك من الشغل وعاوزاه يحتفل معاكي بعيد الحب».
وتابعت: « مبتعمليش ليه الغدا وعاوزاه يجبلك دبدوب، دبدوب إيه يا مدام، لازم تخجلي من نفسك دبدوب إيه جدتي كانت بتعمل شوربة على الدبدوب، الغوا الدبدوب ده خلاص».
وواصلت: « مفيش يوم واحد لعيد الحب، أيام ربنا كلها حب، أيام ربنا كلها نقدر نحب بيها، تحبي جوزك، وتحب مراتك، وتخلقوا من كل يوم عيد محبة ومودة ورحمة، مش يوم واحد عيد حب، وباقي الأيام خالية من الحب».
واستكملت: «وانتي ماشية مع جوزك بتسيبي مسافة بينك وبينه عشان متدوسيش على ضله في الشارع، لو دوستي على ضل الراجل في الشارع قلبه بيوجعه».