كشفت الفنانة شيرين رضا عن تفاصيل مشاركتها في حكاية ” لو بعد حين” من سلسلة ” حدث بالفعل” مع الفنانة دينا الشربيني الذي سوف يتم عرضه قريبًا.
وصرحت شيرين رضا خلال لقائها مع ET بالعربي: أنا مش أول مرة أتعاون مع دينا الشربيني قبل كدا عملنا فيلم “كدبة كل يوم”، وانا مش فاهمة ليه الناس تستغرب؟ إحنا صحاب من زمان ودي فرصة حلوة أننا نشتغل مع بعض تاني.
دينا صحبتي من زمان
وأضافت شيرين رضا: ” لم أتردد ولا ثانية ولما قالولي دينا الشربيني، قولت طبعا لأننا معندناش فرصة نقابل بعض في الحياة، لأن كل واحدة مشغولة وإحنا بنتقابل مع بعض في نفس الكارافان، وبنعمل ميكب مع بعض.
وتابعت شيرين، ” ولما عرضوا عليا أمثل لوحدي حكاية مستقلة في مسلسل حدث بالفعل رفضت وحبيت أكون مع دينا الشربيني”.
حكاية لو بعد حين
وتحدثت الفنانة شيرين عن تفاصيل مسلسلها الجديد، قائلة: ” أنا ودينا الشربيني أخوات في المسلسل، ويتكلم عن قصص حقيقية من ملفات لأطباء نفسيين تحمل قصص مفزعة”.
ونوهت: ” مش عارفة إمتي سوف يتم عرضه، ولكن قريبًا وخارج الموسم الرمضاني وإحنا بنصور آخر حلقة ونخلص الجزء الأول لأن العمل له أكتر من جزء”.