سعد الصغير: حب بوسي لطليقها أونطة.. بتتهرب من الـ 24 مليون جنيه

 أكد المطرب سعد الصغير، أن كل تصريحات المطربة بوسي، بخصوص طليقها مصفف الشعر هشام ربيع كذب، موضحًا أنها تزوجته، لحل مشكل الشيكات، اللي كانت بينها وبين طليقها الراحل فطين وليد.

وأوضح “الصغير”، أن بوسي قالت انها اتعشت بعد الحلقة مع هشام ربيع، وأقسم بالله دا ما حصل، لإن هشام كان بيعمل عمرة، والمطربة أمينة أكدت لي الكلام ده، لأنهم كانوا طالعين جروب مع بعض، ده يرضي ربنا تخربي بيت الراجل.

وتابع “الصغير”، طالعة تقول هشام ربيع الشهرة أكلته.. ده اللي كان بيحلق عنده كان بيمشي أسبوع يقول أنا كنت عند هشام ربيع.. أنا كنت بحلق عنده ببلاش، وكل الفنانين مش بتدفع فلوس عنده، ده ملياردير وعنده نجوم مصر من قبل ما يعرفها حرام تخربي بيته. 

وأضاف “الصغير”، أن بوسي اعترفت بحبها لطليقها بعد الانفصال، حتى لا يطلب منها أموال الشيكات اللي دفعها لها، ونهي أزمتها مع طليقها الراحل، هي بتقول بحبه عشان دفع لها 24 مليون، علشان الشيكات اللي عليها. 

ولما طالب فلوسه عشان مرحتش ليه الحبس، ولما طلع هربت منه عشان عايز فلوسه، هربت منه وطالعة تقوله بحبك أونطة، علشان ميطلبش الفلوس بتاعته.

ووجه سعد رسالة، لزوجة طليق بوسي، قائلًا: “أنا بقول لمرات هشام ربيع، إنت حد محترم جدًا، وبوسي دي ثعبانة.. هي لعبت على هشام، ومتزعليش إنه عمل فرح، لأنه مكنش في وعيه.. وهي كانت متجوزاه، عشان يخلص لها مشكلتها.. هشام كان بيبعت لأبو بوسي فلوس من وراها”.