متحضنوش وقلل منه .. ازاي تدمر ابنك نفسيا في 5 خطوات فقط

في 5 خطوات بس تقدر تدمر ابنك نفسيا وتحول طريقه من طفل نابغ لطفل غير قادر على التفكير والإبداع . 

ازاي تدمر ابنك نفسيا وتحبطه وتسبب ليه الاذي في حياته كلها كل ده مش هيكلفك إلا شوية خطوات صغيرة 

واحد.. بلاش تحب ابنك ولا تحسسه انه مهم في حياتك ولا تظهرله أي معالم حب أصلا، مش كفاية خلفناه يعني كمان هنحبه

اتنين.. متحضنوش وهو صغير، ولا وهو كبير، بلاش تحضنه خالص ولا تحسسه انه جزء منك

تلاتة.. قلل من إنجازاته مهما كانت كبيرة، حسسه انه ملوش لازمة في الحياة وان وجوده زي عدمه ومهما هينجح هيفضل نكرة ومحدش شايفه.

أربعة.. بلاش تسيبله الحرية في اختياراته، انت الاب وانت اللي لازم تختارله كل حاجة، سواء بقا دراسته او كليته او أصحابه، ومتنساش انت طبعا اللي هتختارله العروسة، ماهو مش معنى ان هو اللي هيعيش معاها يبقا هو اللي يختارها.

خمسة.. قلل منه قدام الناس، وخصوصا في التجمعات العائلية، وقول كل عيوبه بقا، وقولهم كمان انه تافه ومبيعملش حاجة في حياته

عملت كل ده؟ مبروك انت كدة عندك طفل مدمر نفسيا وزي الفل.