بعد صورته المثيرة للجدل، حمو بيكا يدعي على منتقديه

رد مطرب المهرجانات حمو بيكا على منتقديه بعدما نشر صورة له وهو في المصيف، ووجه لهم رسالة شديدة اللهجة ودعا على منتقديه. 

مطرب الهرجانات حمو بيكا شكله زعلان أوي من اللي انتقدوا صورته الأخيرة ووجه لهم رسالة شديدة على السوشيال ميديا مش بس كده ده كمان دعا عليهم يا ترى ايه اللي حصل؟ بيكا بعد ما نزل صورته وهو في المصيف ولابس شورت وكاب اتفاجئ بتعليقات كلها تريقة عليه وعلى بطنه.

حمو بيكا يرد على متابعيه 

 رد فعل بيكا مكنش متوقع، نشر بوست وقالهم: “هو أنا مش زي أي حد بيتصور وينزل صورته وهو في المصيف مع صحابه، ليه التريقة على بطني؟ أنا عندي مرض وسبق وكنت اتكلمت عليه قبل كده، دعا عليهم  وقالهم يارب اللي يتريق عليا ربنا يبتليه بنفس المرض اللي عندي لكن الناس اللي بتدعيلي ربنا يشفيني دول فوق دماغي”.

تعليقات الجمهور

 تعليقات الجمهور اتقسمت منهم اللي دعا له بالشفا ومنهم اللي كمل تريقة وقال هو حامل في الشهر السادس، وفي اللي دعمه وقاله بنحبك بس بلاش صور من غير هدوم،  الناس كلها بتحبك وبتحب خفية دمك دي انت عارف يعني ايه الناس كلها بتحبك واللي بيحبك دا مابيدققلكش في أي حاجه وربنا يخفف عنك يانجم جيلك يارب.

موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.