حجارة الهرم الأكبر "خوفو" تقلب السوشيال ميديا، ما القصة؟

لحد النهاردة معجزة بنا الأهرامات محيرة العالم.. ومحدش اكتشف السر..  لكن بالرغم من كده كل فترة رواد السوشيال ميديا  بينشروا بوستات بتقلب الدنيا زي ما حصل في الساعات اللي فاتت.. يا ترى أيه الحكاية؟.. بوست انتشر بشكل كبير على منصات التواصل بيقول أن حجارة هرم خوفو فيها نتوءات هوا، وده معناه انها مصنوعة مش مقطوعة من الجبال.. وبكده المنشور يقصد انها اتعملت بشكل يدوي..  المنشور كان فيه كمان عدد من التساؤلات اللي ملهاش إجابة.. زي مثلا ليه خوفو معموله تمثال صغير وهو الملك اللي اتنسب له الهرم الكبير على عكس توت عنخ آمون اللي معموله مقبرة بيحكي عنها العالم كله، وليه بالرغم التكنولوجيا الحديثة والفراغ اللي ارتفاعه 30 متر والنفق اللي طوله 9 متر اللي اكتشفوهم في هرم خوفو لكن مفيش حد قدر يكتشف اللي جواه.. كل التساؤلات دي بتقول أن في لغز كبير.

https://www.youtube.com/shorts/hRwbT2AoH74

المعلومات اللي نشرها الموقع الرسمي لوزارة السياحة والآثار المصرية أكدت إن الهرم الأكبر اتبنى من الحجر الجيري المحلي وكان متغطي بالكامل بكساء من الحجر الجيري والأحجار دي وصلت للأهرامات من محاجر طرة عن طريق مراكب.

موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.