عبدالله السعيد: رحيلي من الأهلي علشان مستقبل أسرتي وربنا وفقني بسبب تعليمات المدرب

تحدث عبدالله السعيد  لاعب الزمالك حاليًا وبيراميدز سابقًا، عن فترة رحيله من الأهلي لبيراميدز في برنامج الكورة مع فايق على قناة إم بي سي مصر2 تقديم إبراهيم فايق.

قال عبدالله السعيد:"ركزت في التعليمات اللي اتقالتلي قبل مباراتي الأولي مع بيراميدز ضد الأهلي، وربنا كرمني ووفقني وسجلت".

واصل حديثه:"الاحترام فرض مش واجب، لازم يكون متاح على طول ويكون في احترام كبير على طول، وقدرت بالإحترام اني أتخطي جمهور الأهلي بعدما سبت الفريق وربنا كرمني".

أردف عبدالله:" تخطيت كلام جمهور الأهلي لي بعد رحيلي من الفريق، أحيانًا بزعق في الملعب، بس مش بشكل كبير، وفي أوضة اللبس بزعق رغم ان شكلي هادي دايما".

قال عبدالله السعيد:"بعمل اللي انا شايفه صح لأسرتي ومستقبلي مش كل حاجة الجمهور اللي يحددها، انما أنا اللي بحدد كل حاجة وعلى حسب ما تكون مرتبطة مع اللي فيه مصلحتي ومصلحة أسرتي".

وواصل عبدالله:"رحيلي من الإسماعيلي للأهلي لبيراميدز ترتبط بمستقبلي الخاص، والعاطفة ملهاش علاقة بقراراتي الخاصة".