قفشة مع إبراهيم فايق سذاجة ولا طيبة

كلنا تابعنا تصريحات قفشة مع إبراهيم فايق، قفشة تحسه مكنش عارف هو بيقول ايه، وليه التصريحات دي، خبط في المدرب وفي زمايله وفي كل الناس، وفيه اللي قال انه على طبيعته بس مش للدرجادي يانجم يعني.
ده غير ان دي مش طبيعة، محدش يطلع يقول مدربه ظالم، ويطلع يقول إمام عاشور مكنش يستحق نجم المباراة في ماتش السوبر، مع ان ده جديد على لاعيبة الأهلي.

المهم ان طلعت اخبار بمنع افشة من التدريب مع زمايله، وانه يتدرب في صالة الجيم لوحده، واتقال ان كولر واخد من موقف، فإبراهيم فايق حس بالذنب وان هو السبب، حاشا لله طبعا يا إبراهيم انت ملكش ذنب خالص، فقرر انه يشتغل مصلح اجتماعي.
ونزل على صفحته الرسمية على فيسبوك ان مفيش صحة لمنع افشة من التدريب مع زمايله ولا توقيع أي غرامات عليه، وأن كولر زعلان منه اه بس هو بيحاول يصلح بينهم ، فياترى هنشوف افشة في الأهلي تاني ولا كفاية عليه كدة؟

موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.