تريزيجيه: الظروف مكانتش مثالية في مباراة غينيا بيساو، وحسام حسن كان بيطمن على صلاح

تحدث محمود حسن تريزيجيه لاعب فريق طرابزون سبور التركي ومنتخب مصر، عن مباراة غينيا بيساو وموقف صلاح وحسام حسن من الخروج، مع إبراهيم فايق في برنامج الكورة مع فايق المذاع على قناة إم بي سي مصر2.

قال تريزيجيه:"المنتخب مكانش مقنع خالص في المباراة، الظروف مش المثالية، هي دي الماتشات بتاعت "اخطف واجري" محتاج تجمع نقط بس من المباريات دي".

وواصل تريزيجيه:"تغيير الخطة كان علشان النتيجة مش محببه، كابتن حسام حسن قالنا ما بين الشوطين مش هنمشي من هنا غير واحنا كسبانين وفي أقل الأضرار متعادلين، لو حد بيهاجم المنتخب وعايز المنتخب يخسر لمجرد الهجوم فهو عنده مشكلة بس لان دي بلدك لازم تشجعها".

أردف محمود حسن:"حسام حسن قال لصلاح انت كويس ولا لا قاله أيوة كنت كويس انما مكانش هيخرجه من الملعب زي ما الكلام اتقال، في ناس للأسف عندها حرب عايزين أي لقطة يمسكوها ويعملوا عليها موضوع على مفيش".

وواصل تريزيجه:"التصفيات على الورق ممكن الناس تقول عليها سهلة، لكن في الملعب الكلام مش كده خالص مفيش فريق سهل في أفريقيا، المنتخبات حاليًا بيمتلكوا عناصر مميزة وكبيرة الموضوع مش سهل خالص".

موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.