"إيه اللي جابك هنا؟ أنت ما بتحبنيش".. سر انفعال إليسا على أحد معجبيها

ايه اللي جابك.. استغربت انك هنا.. عارفة انك مبتحبنيش.. الفنانة إليسا أحرجت واحد من معجبينها وهي بتحيي حفلة في كازينو في لبنان.. ده من وجهة نظر الجمهور بالرغم انها كانت بتهزر معاه.. الفيديو انتشر بشكل كبير على السوشيال ميديا في الساعات الأخيرة وعمل حالة من الجدل بين جمهور إليسا.. اللي علقوا

 على اللي حصل وقالوا إن إليسا مينفعش تحرج حد من جمهورها بالشكل ده.. خصوصا انه شوح لها بإيده بعد ما سمع اللي قالته وواضح كده إنه معجبهوش كلامها.. واحد من معجبينها قال: تخيل تدفع تكت وتروح تحضر.. الفنان على المسرح قدام كل الجمهور يقولك.. استغربت انك هون بعرفك ما بتحبني.. وواضح كده ان اليسا مكنتش موفقة في الحفلة دي .. انتشر فيديو تاني من نفس الحفلة واليسا بتطلب من الفرقة الموسيقية ترفع صوت الكورال.. الفيديو برضوا معجبش الجمهور وشافوا انها بتتكلم معاهم بطريقة مش كويسة.. وفي اللي شاف ان دايما مبيكنش في  تنسيق بين اليسا وفرقتها ومفيش احترافية في التعامل. 
ايه رأيكم في تصرف إليسا؟ شاركونا برأيك في الكومنتات وتابعونا على صفحة الأيام المصرية

موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.