بقول لأمى مطلعك عمرة قالتي فلوسك لأ، عمر كمال في "فايق ورايق"

حل الفنان عمر كمال ضيفًا في برنامج فايق ورايق مع الإعلامي إبراهيم فايق، تحدث خلال الحلقة عن مقاطعة والدته المعاملة معه، سبب إتجاهه لسكة المهرجانات وتركه الأغاني الطربية.

"بتقولي فلوسك لا" عمر كمال عن رفض والدته للتعامل المادي معه

حيث قال عمر كمال: "كانت في البداية بتقولي خلي الأغاني تنفعك، أنت من حتة واحنا من حتة، مش مقطعاني كلام لكن معاملة، لكن حاليًا خلاص، لكن دلوقتي أقولها مطلعك عمرة تقولي فلوسك لا، أقولها لا ده واحد صاحبي صاحب شركة سياحة وهيطلعك مجانًا".

سبب اتجاه عمر كمال لأغاني المهرجانات

وعن سبب إتجاهه لأغاني المهرجانات قال: "لما قدمت أغاني طرب مجابتش همها لحد ما أتجهت لسكة المهرجانات، بدأت المهرجانات في 2009 وقولت أروح لبيكا أو شاكوش، أتصلت ببيكا وقولتله ليا أغنية اسمها الغربة، قالي أها عارفك وبحب الأغنية، وحددنا ميعاد وروحتله الاستوديو، قولتله فيه فكرة أننا نلطش الألحان الخليجي لأننا خلصنا كل الألحان المصرية، وكتبنا اول مهرجان "مساء النقص كله يقف مكانة" فجاب 30 مليون يعني مش اقل من 10 ألاف دولار، بس مخدتش منهم حاجة".

وتابع قائلًا: "هو فيه في مصر حد عمل فلوس من المهرجانات زي بيكا، وكان يقولنا عملنا 4 أغاني 2 عندك و2 عندي، بعدين نكلمه يقول خلاص هحطهم عندي كلهم، الأغنية الوحيدة اللي خدتها من عنده هي "أنتِ معلمة"، بعدين حولنا الموضوع أنا وشاكوش وعملنا بنت الجيران بعيد عن بيكا".

موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.