المتحدث بإسم وزارة الشباب والرياضة يوضح حقيقة تصريح أحمد رفعت الخاص بالسفر

كشف الدكتور محمد الشاذلي المتحدث بإسم وزارة الشباب والرياضة، حول تصريح سفر أحمد رفعت نجم مودرن سبورت، الذي رحل فارق الحياة صباح اليوم السبت، وذلك في برنامج الكورة مع فايق، الذي يقدمه إبراهيم فايق.

الدكتور محمد الشاذلي يكشف حقيقة تصريح السفر لأحمد رفعت

قال المتحدث بإسم وزارة الشباب والرياضة: اللاعب اللي بيشارك في بطولة بيكون ليه قرار وزاري انه بيمثل البلد في بطولة علشان يقدر يسافر وميكونش في مشاكل وينطلب اللاعب للرجوع، لو مخادش التصريح مش هيطلع الطيارة من الأساس ودا بيحصل في كل الرياضات.
وواصل الدكتورمحمد الشاذلي:قرار السفر مخلي اللاعب مهمة رسمية لانه رايح يلعب برا مصر، اللاعب بياخد القرار ويروح منطقة التجنيد ياخد الموافقة وبعدها يقدر يطلع المطار والمطار بيعرفه بعد التصريح دا ترجع في خلال فترة معينة، ولو مخادش الموافقة مش هيطلع الطيارة من الأساس، أول خطوة لأي لاعب بيكون التصريح بيكون قرار وزاري انه طالع بطولة رسمية.

تابع:انا خدت تصريح وزاري سواء شهر او اتنين وبعدها سافرت، التصريح والناس اللي بيقابلوك المسئولين بيعرفك ترجع امته ومده التصريح قد ايه، اتحاد الكورة لو طلع فريق اتحاد الكورة اللي مسئول النادي لو طلع لاعب النادي اللي مسئول، لو اتحاد أو نادي طلع فريق كامل وطلع ان في لاعب عنده مشكلة ومطلعلوش تصريح بيكون هنا مشكلة كبيرة، النادي بيتواصل مع اللاعب ومع الجهاز، لو عرف يطلع التصريح كان بها معرفش يبقي هنا في مشكلة ولو طلع تصريح بتبقي عارف المدة قد ايه والمفروض ترجع ودي مسئولية الفريق او اتحاد الكورة على حسب الجهة اللي خدت التصاريح.

موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، في شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخِدْمَات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.