هايدي موسى من العلمين: «صعب أقدم راب و مهرجانات..مش الاستايل بتاعي» (فيديو)

هايدي موسى، تألقت المطربة الشابة هايدي موسى، في غناء“وحياتك وغلاوتك عندي”، خلال حلولها ضيفة على برنامج “حد النجوم” من قلب مدينة العلمين الجديدة.
ويرصد الأيام المصرية تصريحات هايدي موسى، والتي جاء فيعا وصفها لمدينة العلمين الجديدة بأنها مميزة للغاية وشهدت تطورًا معماريًا مذهلًا.

وتابعت: “مش أول مرة أزور العلمين لكن التطور المعماري جابلي ذهول بصراحة السنة دي”.

هايدي موسى تعرب عن حبها للأغاني الطربية

حول حبها للأغاني الطربية، قالت: “بحاول أوازن بين الأغاني الطربية والأغاني اللي بيحبها الجمهور، وبحاول طول الوقت أفرض الحاجة اللي مصدقاها وحباها للجمهور، وخلال مشواري قدمت أغاني مش راضية عنها، لأن منتجين بيقولوا مش لازم تعمل بس اللى بتحبه، لكن قدم الحاجة اللى بيحبها الجمهور”.

وتابعت:"المزيكا اليومين دول اتطورت بشكل كبير، والحاجة الوحيدة اللي محدش بيختلف عليها هي الكلمة الحلوة، والمعنى".

وأشارت إلى أنّ أغاني المهرجانات والراب موجودة في السوق، وهي تحب كل الأنواع الموجودة، ولكن تحفظها فقط على الكلمة البذيئة، مواصلة: “بحب أغني الأغاني اللي مصدقاها، وعشان كده صعب أقدم راب أو مهرجانات، ده مش الاستايل بتاعي”.

ويُقام مهرجان العلمين في نسخته الثانية في مدينة العلمين الجديدة، وسط فعاليات مختلفة تناسب جميع الفئات العمرية، والتي تشهد إقبالًا كبيرًا من الجمهور سواء من المصريين أو العرب والأجانب.