مي حلمي بعد هجومها على بسمة بوسيل: "عمرو دياب اللي طلب"
علقت الإعلامية مي حلمي مجددًا على الفيديو الذي كانت قد نشرته وهاجمت من خلاله الفنانة المغربية بسمة بوسيل بعد انتشار خبر صحفي لها يتضمن صورة لها مع الهضبة عمرو دياب ومكتوب عليه عنوان غير صحيح.
حيث أتبعت مي حلمي الفيديو السابق بفيديوهين جديدين عبر خاصية الستوري على حسابها بموقع تبادل الصور والفيديوهات إنستجرام، أوضحت خلالهما أن ما قالته في الفيديو السابق لم يكن سوى الحقيقة أو جزء صغير منها، وأضافت أن عمرو دياب على علم بدفاعها عنه وأنه يعلم أنها قالت هذا الكلام ويوافق عليه، مطالبةً إياها بالبحث عن طريقة أفضل لإصلاح أمورها.
ويرصد الأيام المصرية في السطور التالية أبرز ما قالته مي حلمي في الفيديو الذي واصلت خلالهما الهجوم على بسمة بوسيل بسبب عمرو دياب.
تصريحات مي حلمي في الفيديوهين الجديدين
وقالت مي حلمي: "لجان التلاتينية الجادة اللي مش هبطانة من إمبارح، أحب أقولك إنك صبيتي مجهود في حتة غلط أو مع الشخص الغلط، أنا آخر واحد ممكن يفرق معاه مين بيعمل إيه أو مين بيكتب إيه أو مين بيقول إيه، أكتر واحدة على الكوكب مهوية".
وأوضحت: "وفي الآخر ماقلتش غير الحقيقة، وقلتلك بلاش تلعبي معايا اللعبة دي لأني ماقلتش غير جزء من الحقيقة، بس أنتي بتصبي مجهود في حتة تانية، أحب أقولك إمبارح النونا كانت مع اللي راحوا، كلها انشكاح ورقص وزمر وطبل في الحفلة".
وعلقت مي حلمي: “فأنتي كان المفروض تبقي موجودة في حفلة إمبارح وتصبي مجهود أكتر في حتة تانية على اللي راح منك مش على إني أتهم الناس وأتبلى على الناس إنهم بيعاكسوني ويغازلوني علشان أغيظ حد تاني”، ولفتت: "فمش عارفة أقولك إيه إن كل اللي بتعمليه بيبسطني أكتر لجان ومين بيكتب ومين بيعمل إيه، حرام والله صعبانة عليا فلوسك وصعبان عليا مجهودك".
وأوضحت: "أنا قفلت الموضوع ده، أنا آخر واحدة في الكون يهمها مين بيكتب إيه، الناس بتفتعل مواقف عشان تطلع تريند".
وأشارت: "أنا ماقلتش غير الحقيقة أو جزء من الحقيقة يكفي شكلك دلوقتي قدام الناس عامل إزاي، أنا ماقلتش غير الحقيقة دفاعًا عن الراجل هو لا عاكس حد ولا شاف حد ولا بصبص لحد وهو عارف الكلام ده وعارف إني قلت الكلام ده وموافق على الكلام ده".
وأردفت مي حلمي: "فارتاحوا عارف إني دافعت عنه وهو اللي طالب، قصة طويلة عريضة، فماتحاوليش شكلك وحش بطريقة وحشة إن الأخبار دي تتقال للصحافة".
واختتمت "ماعكسكيش وهفضل أقولها ماعاكسكيش، ولا أقربلك، أنتي اللي رميتي نفسك عليه، فيه فرق بين الصحاب اللي بيقعدوا معاه وبيتصوروا معاه وفيه فرق بين إني أروح أقول إن الراجل ده عاكستي، الراجل ده عينه مني، روحي بس شوفي اللي حصل في حفلة إمبارح ودوري إزاي تصلحي أمورك بطريقة ألطف".
الرجالة المصرية فيها سكر.. مي حلمي تسخر من بسمة بوسيل
كما أتبعت الفيديوهين بستوري سخرت فيه من بسمة بوسيل كاتبةً: "الرجالة المصرية فيها سكر، اكرشي على اللي عندكم وماتوجعيش دماغنا، وفي الآخر بيرجعوا للمصرية ولا مش واخدة باك، نونة".
نشبت أزمة بين الإعلامية مي حلمي والفنانة بسمة بوسيل بسبب الهضبة عمرو دياب بعد انتشار صورتها بسمة بوسيل معه ومكتوب عليه عنوان غير صحيح، وهو ما دفع مي حلمي للهجوم على بسمة بوسيل دفاعًا عن عمرو دياب.