هلا رشدي: قبل ما أطلع أغني على المسرح بقرأ القرآن
كشفت الفنانة هلا رشدي عن أزمة تعرضت لها منذ فترة، وشعرت حينها إنها بحالة من الضعف الشديد، ما جعلها تتمنى الموت.
قالت “هلا” خلال لقائها ببرنامج "سبوت لايت" المذاع عبر قناة "صدى البلد" مع الإعلامية شيرين سليمان: "قبل أي حفلة بحاول أنام بشكل كويس، لكن المحاولة بتبوء بالفشل، وبحاول أكل كويس لكن مش باكل كويس، كل الطقوس مضروبة بالنار عندي، وقبل الحفلة بشرب مياه كتير، وبحاول أكون هادية قبل الغناء وبقرأ قران قبل ما أطلع على المسرح".
بسأل ربنا سايبني ليه خدني؟! أنا عايزة أموت وأخلص
واستكملت "هلا" حديثها من خلال التصريحات التليفزينية: “ في فترة كنت بعيط عياط هيستسري، وبصلي وبخبط دماغي وأنا ساجدة، وبسأل ربنا سايبني ليه خدني، أنا عايزة أموت وعايزة أخلص”.
هلا رشدي تستعد لعمل سينمائي جديدة
وأشارت هلا رشدي إلى أنها ستشارك في فيلم سينمائي جديد مع الفنان محمد مهران، والفنانة القديرة سوسن بدر، والفنانة بسمة، والفنان القدير صلاح عبد الله، والفنان القدير صبري عبد المنعم، وتستعد لتقديم مجموعة من الأغاني المقرر طرحها خلال الفترة القادمة ، باإضافة إلى برنامج جديد للأطفال.
موقف تحريم هلا رشدي للموسيقى
وفي سياق مختلف كشفت الفنانة هلا رشدي عن موقفها من تحريم الموسيقى وعلقت: “أنا مش عايزة حد ياخد برأيي، لكن أنا مش بستحرم الموسيقى خالص، لأن المزيكا حلوة من غي كلام، والكلام الحلو أكيد بيحفز الواحد وممكن نسمع أغنية عن سيدنا محمد صلى الله عليه وسلم، وبنحس إننا طايرين وعايزين نروح الحرم، وأنا مش بستحرم الموسيقى بصراحة وإن شاء الله ميكنش عليا ذنب”.