أحمد سعد يطرح "دي بنت ناس" (فيديو)
طرح المطرب أحمد سعد أحدث أعماله الغنائية بعنوان "دي بنت ناس"، وذلك عبر موقع نشر الفيديوهات الشهير يوتيوب.
وتحرص الأيام المصرية على متابعة أهم وأبرز أخبار الوسط الفنى ونجومه، لذلك نقدم لكم تفاصيل أكثر عن أغنية "دي بنت ناس" للفنان أحمد سعد.
كلمات أغنية "بنت ناس"
تضحكلي الدنيا في ضحكتها
ويسرقني الوقت في قعدتها
دي بتاخد العقل بحلاوتها
أنا مقابلتش اجمل منها
تتدلع تختارعلي ذوقها
و بسيبها علي راحتها بشوقها
عيني بتحسدها علي هدوئها
أنا مببطلش كلام عنها
دي بنت ناس
و تختلف عن كل الناس
ولو كان للقمر انعكاس
هينعكس علي مرايتها
دي بنت ناس
بجمالها يشهد كل الناس
وعيون جميلة مليانه احساس
مبشوفش حد في رقتها
بيروقلي الجو بروقانها
اسمي بيحلو علي لسانها
ولا حتي اربعه يملو مكانها
لا هي و بس مفيش غيرها
بتمزج لما اسمع صوتها
بتمزج اوي لما ابسطها
و موافق علي كل شروطها
مش شايف في الدنيا دي غيرها
دي بنت ناس
و تختلف عن كل الناس
ولو كان للقمر انعكاس
هينعكس علي مرايتها
دي بنت ناس
بجملها يشهد كل الناس
وعيون جميلة مليانه احساس
مبشوفش حد في رقيتها
أحمد سعد يروج لأغنية "بنت ناس" ويعلن عودته لعلياء بسيوني
وأعلن أحمد سعد عن أغنية
"دي بنت ناس"، بعد عودته لزوجته علياء بسيوني، حيث شارك عنوان الأغنية عبر حسابه الرسمي عبر موقع التواصل الاجتماعي وتبادل الصور إنستجرام، وبدء المتابعين والأصدقاء المقربين يتفاعلون بتقديم المباركة بعودته لزوجته علياء بسيوني.
علياء بسيوني تحتفل بعيد ميلاد أحمد سعد
وعلى جانب آخر، احتفلت علياء بسيوني بعيد ميلاد أحمد سعد بشكل مفاجئ لمتابعيها وجمهور أحمد سعد، من خلال حسابها الشخصي على موقع التواصل الاجتماعي وتبادل الصور إنستجرام، وشاركت مجموعة صور تجمعها بأحمد سعد وابنتهما، وعلقت ببعض الكلمات الرومانسية لتعلن من خلالها العودة.
وعلقت نصًا: "اليوم مكانش هيعدي كدة.. كل سنة وانت اطيب وألذ واحد في الدنيا كل سنة وانت منور حياة كل اللي حواليك وانا أولهم وطبعاً كل سنة وانت أحلى حاجة في حياتنا ومقطعين بعض دايما.. مكانش ينفع أعدي اليوم ده من غير ما أقولك لأن وجودك أهم حاجة، وبيخلي الدنيا أحلى دايما.. كل سنة وأنت طيب يا حمادة».