ميس حمدان: مش بحب الراجل المهزوز.. وفشل العلاقات سببها البعد عن ربنا
تحدثت الفنانة ميس حمدان عن العلاقة بين الرجل والمرأة، وفكرة الشريك وسبب فشل العلاقات بين الطرفين.
قالت ميس حمدان خلال برنامج "أسرار النجوم" المذاع على "نجوم إف إم" مع الإعلامية إنجي علي: "إنها أوقات تشعر باحتياجها للحب والدلع وأوقات أخرى لا تشعر بذلك، وهو إحساس متقلب لأنها لما بتشوف الناس اللي حواليها في العلاقات الزوجية بتلاقي كتير منهم مش مرتاح".
أشارت ميس حمدان أن عدم استمرار العلاقات الزوجية بسبب البعد عن ربنا مستشيره: "احنا كأمة بعدنا عن ربنا خالص، وأنا مش شيخة لكن مفيش حد دلوقت بيكتفي بشخص واحد في حياته وده سبب بعدنا عن ربنا، وما بقاش حد راضي باللي عنده الناس بقت بتقلد اللي بيحصل على مواقع التواصل الاجتماعي، والنسوان مش سايبه الرجالة في حالها ومحدش عايز يكتفي بحد واحد، والناس ما بقتش طايقة نفسها، والناس بقت بتتجوز بسرعة وتتطلق بسرعة".
مواصفات فتى أحلام ميس حمدان
أكدت "حمدان" أن الرجولة لا تتجزأ ولا يختلف عليها اثنين موضحة: "أي ست عايزة الراجل المحترم والأخلاق اللي بيخاف ربنا والسند والطموح، و اللي بيعرف يتصرف وانا عايزة كل المواصفات دي".
تابعت ميس حمدان: "أنا بكره الراجل المهزوز، واللي ما بيعترفش بنقط ضعفه و اللي ما بيعرفش ياخد قرار، لأن الراجل ده بيهبط من نظري، ومعنديش مشكلة في الراجل اللي يعترف بضعفه".