الفنانة أسماء الطاهر تنعي الدكتورة عايدة علام برسالة مؤثرة
نعت الممثلة أسماء الطاهر ابنة يحيى الطاهر عبد الله الدكتورة عايدة علام، أستاذ الديكور بقسم المسرح بجامعة حلوان، والتي رحلت عن عالمنا يوم الثلاثاء 27 أغسطس 2024.
أسماء ابنة يحيى الطاهر عبد الله تنعي الدكتورة عايدة علام
نشرت أسماء ابنة الكاتب يحيى الطاهر عبد الله منشورا عبر حسابه الرسمي على موقع التواصل الاجتماعي فيس بوك، تنعي فيه عايدة علام أستاذة علم الديكور بقسم المسرح في جامعة حلوان.
قائلة: ليلتك كانت جميلة إمبارح يا حبيبتي، كنت هأقول لك شفتي كل الحب اللي كان موجود وافتكرت إني حسيت بيكي موجودة وإحنا بنتكلم عنك، شفت روحك في الولاد اللي بيوزعوا البونبوني بتاعك كأنهم بيوزعوا حب ورحمة وطبطبة منك، شفتك في عيون حبايبك الموجودين عشان فعلا بيحبوكي وعايزين يكونوا موجودين معاكي، شفتك في السكينة اللي نزلت عليا مرة واحدة لما قررت ألعب دورك بتاع الاحتواء والطبطبة مش عارفه الكلام كان بيطلع مني إزاي بس كأنك جوايا بتواسي الناس بنفسك، الحب ده أجمل ورث الإنسان ممكن يسيبه، مين قال ملكيش حد إحنا ولادك وأحفادك وأهلك، خريجين من كل الأجيال فاكرينك بكل الحب وموجوعين من غيابك، سايبه حاجات جميلة مع كل حد.
تابعت أسماء الطاهر: معايا منك بونبوني والمروحة والحلق هديتك لي وزودت عليهم المسبحة اللي كانت بتتوزع على روحك إمبارح إيدي راحت لها بشكل تلقائي بنفس لون المروحة، مش هأقول لك وداعا لأنك موجودة دايما.. سلامي لكل الحبايب اللي معاكي وعارفه إنك هتدوري على ماما عشان بتحبيها سلمي لي عليها أوي".
أسماء ابنة يحيى الطاهر عبد الله تنعي الدكتورة عايدة علام بكلمات مؤثرة
كانت أسماء ابنة يحيى الطاهر عبد الله، قد نعت الراحلة الدكتورة عايدة علام بكلمات مؤثرة، عبر حسابه بفيس بوك، قائلة: آهو ده نعي يقطع قلبي والله، أستاذتي وأمي وحبيبتي الغالية، أناديها أستاذتي فتناديني يا صديقتي".
وتابعت الطاهر: دكتورة عايدة علام بالنسبة لي عمر طويل ممتد من وقت ما كنت طالبة في قسم المسرح حلوان، هي وأستاذي حبيبي دكتور حسن عطية فتحوا لي بيتهم لدرجة وأنا في البيت مرة غلطت وناديت لها ي ماما، ده كان إحساسي الحقيقي بحنيتها وحبها الصادقين، عيونها دايما بتبص لي بمحبة واضحة، ضحكتها ضحكة أمي اللي سابتني هي كمان.
وأشارت “علام” أن كل المحبين بيروحوا وسابوني للوجع والألم والوحدة، اشتاقت لحبيبها يا قلبي راحت له، في اللجنة اللي كنا فيها سوا من قريب قضينا وقت جميل جدا سوا بس كل يوم كنت أبص لها وهي بتضحك وعمالة توزع محبة على كل اللي حواليها بعدين إصرارها الشديد تجي لي مشوار طويل تبارك لدليله وتقعد معايا وتتصور مع لوحة ماما وراها حسيت والله إنها بتودع حبايبها.
وأضافت أنها خافت أن تشارك الإحساس ده مع أي حد ليتحقق بس برضه اتحقق، وبرضه انصدمت وأتوجعت، ده أنا مستخبية وهربانه من الدنيا عشان قلبي مش ناقص والله مش عايزة أعرف حاجه، قام الوجع مرمي جوا قلبي في قلب بيتي، فراق الحبايب صعب مهما كنا عارفين، ربنا يرحمك يا حبيبة يا أصيلة ويصبر قلوبنا على الوجع اللي ملوش نهاية.
أشرف زكي يعلن وفاة الدكتورة عايدة علام
كان أعلن نقيب المهن التمثيلية الدكتور أشرف زكي، عبر صفحته الرسمية وصفحة النقابة، عن وفاة الدكتورة عايدة علام، حرم الدكتور حسن عطية، وذلك في منزلها بمنطقة الهرم.
