محمد الشرنوبي: "بمر بنفس أزمة شيرين وأكتر حد حاسس بيها"
كشف الفنان محمد الشربوني، تفاصيل جديدة حول أزمته مع المُنتجة سارة الطباخ، وقال إنه يمر بأزمة تشبه أزمة شيرين عبد الوهاب مع شركة روتانا.
قال"الشرنوبي" خلال الحساب الرسمي بموقع تبادل الصور والفيديوهات "إنستجرام" عن أزمة شيرين الأخيرة مع شركة روتانا: "مش فارق لي أي حاجة في اللي بيحصل غير أني سمعت صوتك، واحنا كجمهور مستمتعين بأغانيكي الجديدة ومستمتعين بصوتك، ويارب المشكلة اللي بينك وبين روتانا تخلص في أسرع وقت عشان نعرف نسمع صوتك بشكل طبيعي، والأغاني تنزل بشكل طبيعي وتاخدي حقك".
تابع: "أنا أكتر حد حاسس بشيرين الفترة دي، لأن أنا بقالي 5 سنين في قضايا ومشاكل مع المنتجة سارة الطباخ في الشركة اللي كنت ماضي معها، ومن سنتين وكام شهر بالظبط، طلع حكم بالقضاء بانتهاء عقدي مع الشركة المنتجة، وطلعت الشركة تقول لأ، وأنا طلعت أقول اه العقد انتهى خلاص وماعنديش أي التزامات، لحد ما طلع 3 أحكام تاكدت أن العقد انتهى خلاص ومعنديش بالفعل أي التزامات بأي شكل".
أوضح الفنان محمد الشرنوبي: "أكتر حاجة بتثبت أن العقد انتهى ومفيش أي التزامات، أني بشتغل في التمثيل وماضي مع شركة من أهم شركات الوطن العربي، وهى شركة مزيكا للمنتج محسن جابر، وهى شركة من كبيرة، وبتراجع ورق اللي بيشتغل معاهم وعندها شؤون قانونية، وقبل ما اشتغل معاهم اتأكدوا أن كل حاجة انتهت وإني معنديش أي التزامات لـ أي شركة إنتاج، ومضينا مع بعض وبالفعل بدأنا نشتغل".
أنا مكمل ومش هسيب حقي ومش هسمح لحد يتعدى على حقوقي
أضاف "الشرنوبي": “المشكلة اللي بتواجهنا دلوقت أن الأغاني بتفضل موجودة على المنصات، لكن في مشكلة أن في صغرة في يوتيوب واحنا مش عارفين نتعامل معاها، ولما بنزل أغنية على اليوتيوب الأغنية بتتحجب واليوتيوب بيدي مهلة للي عمل الأغنية 6 أيام عشان يرفع قضية ولو رفع قضية على الأققل بندخل في سنة”.
واختتم : “وأنا كده كده مكمل ومش هسيب حقي ومش هسمح لحد يتعدى على حقي وهنزلكم أغنية يوم الأربعاء أنا كنت شايلكم الحاجات الحلوة علشان متتحرقش وإن شاء الله هنزلكم كل فترة أغنية حلوة لأن الرسائل اللي بتجيلي بتأثر فيا جدا وبتحمسني أني أكمل".