محمد سامي:"ربنا يرزق الناس باللي يساعدهم زي ما رزقني بتامر حسني"
شارك المخرج محمد سامي، متابعيه عبر حسابه الرسمي على موقع التواصل الاجتماعي وتبادل الصور إنستجرام، صوره قديمة جمعته بالفنان تامر حسني من كواليس تصوير "مسلسل آدم".
وحرص محمد سامي، على تقديم الشكر للفنان تامر حسني، ونسب له الفضل في مشوار نجاحه، ودعمه له في الوقت الذي رفض الجميع وجوده على الساحة الفنية.
وتحرص الأيام المصرية على رصد أهم وأبرز الأخبار الفنية، لذلك نقدم لكم تفاصيل أكثر عن رسالة المخرج والمؤلف محمد سامي للفنان تامر حسني.
محمد سامي ينسب نجاحه لتامر حسني
وبدء محمد سامي حديثه عن تامر حسني ومساعدته له خلال مشواره الفني، قائلًا: "وَلَا تَنْسَوُا الْفَضْلَ بَيْنَكُم".
واستكمل محمد سامي ليتذكر بداية أعماله الفنية بمسلسل آدم"، الذي جمعه بالفنان تامر حسني، قائلًا: "أنا قاعد إمبارح في التصوير افتكرت الرحلة و الشقي والتعب من أول عمل لحد العمل اللي بصوره دلوقتي وافتكرت صعوبة الحصول على فرصة عشان الواحد يثبت نفسة و يحقق أحلامه، فطبعا افتكرت أخويا وصاحبي الجدع الطيب الخلوق اللي دعمني من أول لحظة وكان سبب في اللي أنا فيه دلوقتي، تامر قدملي كل الدعم و الحب والامكانيات اللي خلتني أثبت نفسي وبالذات في وقت كان صعب الشباب ياخد في الدرامة فرصة بحجم مسلسل آدم".
وتحدث محمد سامي عم الفرصة الذي قدمها له تامر حسني قائلًا: "فاكر إني الكل كان رافض إني أخد الفرصة دي ومستكبرينها عليا إلا هو وقف في ظهري، كأنه بيحارب لأخوه و بصلي مرة والظروف كلها ضدي، و كنت حاسس وأنا بحضر أنهم هيجيبو حد غيري و قاللي ده مسلسلك و هتعمله و هتنجح و هتنجحنا معاك، حتي طريقته المتواضعة و هو بيقوللي مسلسلك كأني عامل تسع مسلسلات قبله تحسس الواحد بنفسه و أهميته".
ربنا يرزق كل باللي يساعدهم زي ما رزقني بتامر حسني
واختتم محمد سامي حديثه عن تامر حسني قائلًا: "أشهد أمام الله إنك طول عمرك متواضع و مؤدب وتطلب الحاجة باحترام، ومع الكرو محترم وعشان كدة كلنا روحنا فيك، بحبك يا صاحبي و تستاهل كل حاجة حلوة يا أجمل قلب، ويا رب يرزق كل الناس باللي يساعدهم علي تحقيق أحلامهم زي ما رزقني بتامر حسني".
