يبدو أن قرارات نقيب الموسيقيين المطرب مصطفى كامل بشأن أغاني المهرجانات لن تنال رضاء الفنان فوزي فواز، إذ شهدت الساعات الماضية عدة تعليقات ساخرة من قبله على هذا القرار .
وعلق صبري ساخرًا من أغنية “قشطة يابا” للفنان مصطفى كامل، من خلال منشور عبر حسابه الرسمي بموقع التواصل الاجتماعي فيسبوك، والدي تضمن الأتي:
“عاوزين حد متخصص من نقابة المهن الموسيقية يفهمنا ويعلمنا إيه الفرق بين المهرجانات، وقشطة يابا” .
ولن يكتفي صبري فواز من ما قاله خلال المنشور الأول، وعاد ليعلق بنفس طريقة السخرية على الأغنية، حيث نشر منذ ساعات قليلة عبر حسابه بفسبوك، قائلاً:” غنوة ( قشطة يابا ) .. كانت في سياق الدراما، وأستاذ مصطفى راجل عظيم “.
وأضاف “فواز”، قائلاً:” والمهرجانات و حشة وحشاااااااة، كخة خالصد وانا اتعلمت كتير من الردود والرسايل الكتيرة، بس يا جدعان علمونا بالراحة، من غير شتايم “.
وتابع صبري فواز، كاشفًا تعرضه لهجوم حاد خلال البريد الوارد على “فيسبوك”، قائلاً:” اللي بيعلم حد، يعلمه بالراحة من غير شتيمة .. لاحسن كده التلاميذ هاتهرب ومش هايتعلموا، و اللي بيدافع عن الأخلاق ( زي حضراتكم كده )، ماينفعش يشتم، قشطة يابا ؟ “.
وفي نفس السياق، خرج الفنان الشاب هيثم نبيل، للرد على سخرية صبري فواز من أغنية “قشطة يابا”، قائلاًً:” أقول لحضرتك يا أستاذ صبري (قشطه يابا)، الشاعر بيقدم الكلمات للمصنفات الفنيه مكتوبه قبل التنازل للمطرب، بتفحصها لجنه قراءة للتأكد من خلوها من أي الفاظ أو ايحائات غير لائقه ومن أصالتها (مش مسروقه يعني) وبعد الموافقه اللي بتستغرق ٣ أيام عمل بييجي الشاعر مره كمان عشان يستلم الموافقه وبعدين يعمل التصريح التنازل للفنان عشان يدخل يسجل الأغنيه وبعدها يطرحها.
وأضاف المطرب الشاب، قائلاً:” وإن لم يتم الموضوع بالألية السابقه تقوم النقابه بإتخاذ الإجراء المناسب نحو الفنان النقابي سواء (عامل منتسب) سواء بالإيقاف أو الغرامة “.
وتابع: “أما عن (المهرجان) بيكتب الأغنية، يسجلها، يطرحها يعني الفرق ما بينهم زي الفيلم اللي حضرتك بتمثله كده وافلام التيك توك بتاعة (ايه ده.. ده مالطو) أو الفيلم الإباحي اللي اتصور عند الهرم أو أي محتوى درامي خاص يعرض على الإنترنت بدون رقابه، بس يا أستاذنا “.