اتيكيت نتيجة الثانوية العامة.. طالبت أمينة شلباية ، خبيرة الإتيكيت مراعاة مشاعر الطلاب وأهلهم في فترة إعلان نتيجة الثانوية العامة، مشيرة إلى أنه ليس من التيكيت الاتصال والسؤال على نتيجة الثانوية العامة، وأنه فى حالة رغبته في البوح عن النتيجة سيقول من تلقاء نفسه.
قالت في مداخلتها هاتفية مع الإعلامي عمرو أديب في برنامج “الحكاية” المذاع عبر شاشة “mbc masr” إنه ينبغي علينا أن لا نتطفل على الناس وأن يكون لدينا بعض الذوق ومراعاة للناس وظروفها.
ورد عليها عمرو ساخرا ” أه ده شغل انا كنت بتطمن على عفاف عملت إيه وابنها جاب اكتر من ابني ولا لأ، ومال صوتك متغير كدة ليه، هو ماتوفقش السنة دي ولا إيه”.
وقالت شلباية” بلاش نسأل أسئلة بايخة ونحبط الناس والعيال، اللي عايز يقول النتيجة هيقولك وبلاش نبقى متطفلين ونسيب الناس في حالها”، مضيفة :”إحنا كمصريين متطفلين أوي.. جاب النتيجة ولا لسه، وجاب كام وعمل إيه وهيدخل إيه”.. ” بلاش شغل أنا كنت معدية قولت أسأل على النتيجة واتغدى بالمرة”.
وأكدت أنه من الخطأ القيام بزيارة الناس في يوم إعلان نتيجة الثانوية العامة سواء كانت نتيجتهم إيجابية أو سلبية، وفي حال قررنا الزيارة يجب علينا التواصل معهم قبل ذلك.
وحول افراح الناجحين والإتيكيت، أوضحت شلباية” افرحوا واعملوا اللي انتوا عايزينه ولكن دون أن تجرح أو تؤذي جارك”.