قال الرئيس عبد الفتاح السيسي، رئيس الجمهورية، خلال حديثه عن الأزمة الاقتصادية: “إحنا بناكل وبنشرب، وكل حاجة متوفرة، لكن غالية وإيه يعني كله يهون عشان البلد”.
وأضاف الرئيس السيسي خلال احتفالية عيد الشرطة : “وإنتم شايفين البلاد جنبنا مش عارفين ندخلها أكل، شوية دقيق يعملوا عيش ياكلوه، إحنا كنا بنقدم 600 شاحنة، دلوقتي مش عارفين نقدم الكلام ده، وده بسبب تعنت الجانب الإسرائيلي”.
وقال الرئيس عبد الفتاح السيسي، إنه يقدر حجم التحدي الذي يعيشه المصريين في ظل تلك الأزمات، متابعًا: إذا مكانتش الدولة المصرية بكل ما فيها يعملوا على إن مواردنا من التجارة تساوي أكتر أو تساوي إنفاقنا من الدولار هيكون دايمًا عندنا مشكلة وهي دي كل الحكاية.
وتابع الرئيس السيسي: “حد ممكن يقول الحكومة والدولة تضبط الموقف في الأسواق، طبعًا ليكم حق، لكن عاوز أقولكم اللي بتكلم عليهم دول مواطنين مصريين، لما أكون مصري، وعندي قدرة على الكسب، وأتصور إن المكسب المناسب يكون كفاية”.