قال الرئيس عبد الفتاح السيسي، إن مصر ستستمر في استيراد القمح والذرة والزيت بكميات كبيرة رغم حجم الأراضي الجديدة التي تم ضمها.
السيسي: هنفضل نستورد قمح وزيت وذرة بكميات كبيرة
أضاف السيسي: مهم رغم الأزمة الكبيرة دي وراتفاع أسعار السلع الأساسية حتى مع الجهد اللي بنبذله يمكن خلال شهور قليلة إن شاء الله هنكون حاطين على خريطة مصر حجم ضخم جدا من الأراضي الزراعية أكثر من 3 ملايين فدان مع الريف المصري بنتكلم في حجم ضخم جدا.
وتابع: عمل وجهد وحجم أراضي عشان تعمل إنتاج زراعي غير مسبوق في فترة زمنية مش كبيرة أوي، وحتى مع ده هنبقى محتاجين نستورد زيت وقمح وذرة أيوه، بكميات كبيرة أكيد، بنتكلم في 20 مليون طن قمح حجم الاستهلاك المحلي في مصر في السنة الواحد لو احتاجنا نصه هنستورد منه كميات كبيرة عشان الناس تبقى شايفة ليه الأسعار زادت علينا.
زيت الطعام
واصل: زيت الطعام بنستورد أكثر من 90% من استهلاكنا وبالعملة الحرة مش بالجنيه وبنبيعه بالجنيه، بنتكلم على أرقام كبيرة أوي، ونتوقف أمام الظروف العالمية واللي بتمر بينا، هل إحنا متوقفين، لأ، عاملين حسابنا دايما يبقى فيه من 5 لـ6 أشهر احتياطي السلع بالكامل عشان يبقى في فرصة نجابه أي ظرف.
واستطرد الرئيس: الوقود بنتكلم في 10 ملايين سيارة بتتحرك كل يوم على امتداد الجمهورية ومحتاج توفر الوقود اللازم ليهم وجزء كبير منه بتستورده من الخارج.