أثار الفنان اللبناني صالح عبدالنبي جدلًا واسعًا عبر حسابه الشخصي بموقع التواصل الاجتماعي “فيس بوك”، بحديثه عن واقعة سرقته من صديق عمره.
وكتب صالح عبدالنبي:” الراجل الي في الصورة دي كان صاحبي ٧ سنين، من ١٠ سنين خد مني كل حاجة بنتها في حياتي لمدة ١٢ سنة “.
صالح عبدالنبي: صاحبي سرقني ورجعت كما خلقني ربنا
وأضاف الفنان اللبناني، قائلاً:” سرقني بكل ما املك رجعني كما خلقتني يارب عشان تعاملت معاه بقلب طيب وامنته في يوم وليلة خد كل حاجة وهرب برا لبنان “.
وتابع “عبد النبي”:” فضلت سنتين بحاول ارجع اي حاجة، اكتئبت سنتين تعبت ما كنتش بنام ولا بعرف احط لقمة في بقي ولا كنت بكلم حد ولا كنت بعرف انام كنت بسمع صوته وهو بيضحك عليا ما بنساش وقفتنا قدام القاضي وهو بيقول ما خدش منه حاجة كنت بموت من جوه بس مش قادر اتكلم .. وما بنساش كلمة القاضي (القانون لا يحمل مغفلين) “.
وروى صالح عبدالنبي تفاصيل صادمة عن واقعة سرقته من صديقة المقرب، قائلاً:” غيرلي كل خطط حياتي، غربني عن بلدي وأهلي وأصحابي، التعب الي تعبته والأيام الي شفتها لغاية دلوقتي ما بنساش منها اي حاجة اتعس سنتين مرو عليا في حياتي “.
زي ما ربنا كان معايا اول ما بنيت حياتي هيبقى معايا
واستكمل:” وبعدين فقت لنفسي وقلت زي ما ربنا كان معايا اول ما بنيت حياتي هيبقى معايا … الحمدلله بفضل ربنا وبفضل دعاء أهلي رجعت ووقفت من اول وجديد من غير مساعدة اي حد، واكتشفت ان الصحة اهم من كل حاجة عشان انا سنتين ما شفتش صحة خالص “.
وقال اللبناني:” سبحان الله الراجل ده من يومين لقيو مقتول ومرمي تحت كوبري من كتر ما نصب على ناس كتير اوي بابشع الطرق، ربنا بينتقم للظالم وهو عايش، لا شماته في الموت طبعا بس ده قدر ربنا وعذاب ربنا لسه جاي “.
واختتم الفنان اللبناني صالح عبد النبي، قائلاً:” اول مرة اكتب حاجة كدة على صفحتي وبكتب ودمعتي على خدي وناس قريبين مني جداً حتى ما يعرفوش القصة دي عشان صعب أحكيها، سبحان الله مااعظم الموت وسمعتك حلوة “.