حل الفنان شريف خير الله، ضيفًا في برنامج “الستات”، والذي تقدمه الإعلاميتان مفيدة شيحة وسهير جودة، والمذاع عبر شاشة النهار.
وكشف شريف خير الله، عن الصعوبات التي واجهته في حياته بعد ابتعاده عن الساحة الفنية خلال السنوات القليلة الماضية.
وقال “خير الله: “عدم الشغل تسبب في بيع سيارتي، للمرة الأولى شعرت أني ممكن أنام على الرصيف، لكن كان عندي التزامات تجاه ابني وكنت مدخله مدرسة كويسة لأن حالتي في الأول كانت أفضل بكتير”.
وأضاف: “حصل لي خبطات كتير في حياتي، وعملت حادثة، ودخلت في غيبوبة، وفقدت الذاكرة، وطلقت مراتي، وكان عندي ثقة في ربنا أنه مش هيسيبني بس في نفس الوقت بقول يارب كفايه كده عاوز أموت.. وحسيت إن عمري كله اللي اشتغلته في المهنة دي ضاع مني”.
وأوضح شريف خيرالله، الأسباب التي جعلته يعمل سائقا بعد أن نشر ذلك عبر صفحته الرسمية على مواقع التواصل الاجتماعي قائلا: “وأنا بكتب الكلام ده كنت بعيط كنت حزين على نفسي وعلى الأعمال اللي كنت بحاول أتواجد فيها بشكل كويس”.
وأضاف: “حسيت إن عمري كله اللي اشتغلته في المهنة دي ضاع مني، وكان دايما عندي مقولة مش مهم إن الناس تسقفلي وأنا موجود المهم لما أمشي الناس تقول الراجل ده كان بيعمل أعمال كويسة ومحترمة”.
وأعرب شريف خير الله عن استيائه من ردود أفعال الجمهور بعد إعلانه أنه يعمل سائق، قائلاً:” الناس فهمت كلامي غلط، الناس حزنت عليا أكتر ما أنا كنت حزين على نفسي”.