واقعة مروعة شهدتها منطقة المقطم بالقاهرة، بعدما استيقظ أهالي حي الأسمرات على صوت صراخ قادم من منزل شاب ثلاثيني يدعى “صدام.م”، ولا تمضي سوى دقائق إلا ويدرك الجيران أن الشاب شرع في قتل زوجته أمام طفلتهما بـ”سكين مطبخ” بسبب نشوب خلافات بينهما.
وتواصل “الأيام” نشر نص التحقيقات في قضية شروع شخص في قتل زوجته داخل منزلهما في حي الأسمرات بالمقطم، وننشر شهادة الطفلة شروق صاحبة الـ11 عامًا نجلة المتهم والمجني عليها.
وإلى نص التحقيقات:
س/ ما معلوماتك بشأن الواقعة محل التحقيقات؟
ج/ اللي حصل إن بابا قاللي عاوزك تاخدي أخوكي وتروحي عزبة خير الله عند عمتك عشان أنا هموت أمك النهاردة، فروحت قلت لماما قالتلي سيبك منه ده بيهوش وبيقول أي كلام، قلتلها أنا شايفاه في المطبخ بيسن السكينة، وبعدها ماما كانت في الحمام ولما خرجت راحت أوضتها لقيت بابا جاي وبيضربها بالسكينة في ضهرها، فأنا روحت مصوتة وجريت على الباب عشان أنده الجيران ولما دخلوا بابا قالهم أنا هموت نفسي وهضرب نفسي بالسكينة والجيران حاشوه والشرطة جت.
س/ متى وأين حدث ذلك؟
ج/ الكلام ده حصل أول يوم العيد اللي فات ده على طول.
س/ هل يوجد خلافات بين والدك ووالدتك؟
ج/ هما على طول بيتخانقوا مع بعض.
س/ هل من ثمة حوار حدث بينك وبين والدك قبيل ارتكاب الواقعة؟
ج/ آه هو قالي روحي عند عمتك عشان هقتل أمك النهاردة.
س/ ما الذي شاهدتيه تحديدًا حال ارتكاب المتهم الواقعة؟
ج/ أنا شوفت بابا وهو بيسن السكينة بتاعت المطبخ غلى الرخامة وبيقولي هقتل أمك.
س/ كيف تعدى والدك على والدتك؟
ج/ هو ضربها بالسكينة في ضهرها وجنبها ودراعها وجنب عينها.
س/ وماذا فعل المتهم آنذاك؟
ج/ بابا أول ما شاف الدم قعد يعيط..
س/ هل بدر من والدتك أي مقاومة آنذاك؟
ج/ لأ معرفتش تصوت لأن مكانش ليها صوت بس أنا جريت على الجيران.