حل الفنان باسم سمرة ضيفا على الإعلامي عمرو الليثي، في برنامجه “واحد من الناس” والذي يعرض على قناة الحياة.
وقال باسم سمرة في لقائه: “أنا فخور بكل شغلي، حتى لو انتقد الجمهور دورا قدمته”.
وتابع: “أنا عملت دور عسكري في فيلم عمارة يعقوبيان كان دور جريء وتقريبا كان هو سبب شهرتنا أنا وخالد الصاوي رغم إننا كنا محل انتقاد”.
وأضاف: “مش أي حد يعمل دور زي ده، لازم تكون واثق من نفسك كويس، أنا كان نفسي أعمل دور ابن البواب اللي عمله محمد عادل إمام، لكن مروان وحيد حامد اختارني لدور عسكري الأمن المركزي”.
واستكمل: “في الأول اتخضيت، لكن ماخفتش بعدها إزاي أخاف وأنا معايا الزعيم عادل إمام والأستاذ نور الشريف”.
فيلم “عمارة يعقوبيان” بطولة: عادل إمام، نور الشريف، خالد صالح، محمد عادل إمام، يسرا، هند صبري، سمية الخشاب، إسعاد يونس، سيناريو وحوار وحيد حامد، وإخراج مروان وحيد حامد.