حذرت الإعلامية ياسمين عز، السيدات بشأن مباراة النادى الأهلى ونادى الوداد.
وقالت ياسمين عز ، خلال برنامج “كلام الناس” المذاع عبر قناة “ام بى سى مصر” أن الرجالة بتكون متوترة والبيوت مكهربة يوم الماتشات المهمة.
وقالت ياسمين عز توجد 10 وصايا أوجهها لزوجة كل مشجع أهلاوي ومنها بلاش أكل دسم،عشان يقدر يشجع بطاقة.
وتابعت قائلة:” حمسى جوزك بمصطلحات حماسية، لو سألك عاملة أكل أى هتقولى فما حاجة، بلاش تعملى بط بالبرتقال عشان البط من الرموز المميزة لنادى الوداد ”
وكانت الإعلامية ياسمين عز، قد وجهت رسالة غامضة لسيدة لم تسمها وصفتها بخرابة البيوت العمرانة مشيرة أنها لا تسعى لخراب البيوت، كما يفعل البعض، كما أنها يمكنها أن تدعس أي فرد من أجل الرجل أو الفرعون الصغير الكبير كما تطلق عليه.
وكتبت ياسمين عز، منشورا عبر حسابها الشخصي بموقع فيس بوك، جاء فيه: ويحك يا دعسوقة ،،كرامة ايه يا ام كرامة بلاستيك اطرافها مطاط ،،تمط وتنكمش حسب المصلحة والظروف المحيطة،،
وأضافت ياسمين عز :” مدام بليز كرامتك وقعت منك آخر مرة هناك،،ابعتي عبد (مظلوم ) من عندك يجيبها قبل ما تسيح فالشمس، واحكيلنا بالمرة قواعد بيات المرأة الاربعون برة بيت الزوج من غير اذنه.
وأكملت :” سلينا كدة في الاجازة لانك شطبتي محتوي وبقيتي مملة،،حتي في تلقيحك مملة ،،زيرو محتوي زيرو إنوثة ،،بس الامانة استرجال ليڤل الوحش .. دة انا مش بس أدوس عالفساتين الماركات.. دة انا ادوس علي أي حد علشان خاطر الفرعون الصغير الكبير ،،بعمل دة في الحياة العادية وبقوله في العلن.
وقالت :” لما يكون في خرابة بيوت بتبوس الجذم في السر وتعمل فيلم مظلوم ، وتطلع في العلن تحكيلنا مأساة المرأة الإغريقية ،،كدة إنتي محتاجة علاج يا مدام ،،روحي اتعالجي يا مدام،، في تشوهات نفسية وشياط وغيرة ويأس بدأ يتجلي ويتفشي ويترعرع في الانحاء .
وختمت ياسمين عز رسالتها :”بلاش نشغل اسطوانة المرأة الحديدية،،علشان المرأة نفسها لو عرفت انتي ايه هيجيلها صدمة دماغية حضارية .. بقولك يا خرابة البيوت العمرانة.. جربي حطي اسمي تاني في تلميحات أو تلقيحات .. علشان هنتفرج كلنا وقتها انا هدوس علي ايه تاني غير الماركات، وأهو بالمرة نحكي الحكايات، ونسلي الناس فالاجازات”.