شهدت الساعات القليلة الماضية، حرب ساخنة بين الفنانة بوسي، وطليقها رجل الأعمال هشام ربيع، بعد استضافتها في برنامج العرافة، الذي تقدمه الإعلامية بسمة وهبي، علي قناة النهار، ويرد عليها “هشام”، ويكذبها في كل ما قالته.
وندمت “بوسي” وأبدت أسفها علي كل الكلام الحلو، اللي حفظته بسمة وهبي لها، لكي تتكلم عن طليقها، بشكل إيجابي، ونشرت رسالة صوتية، عبر صفحتها الشخصية، علي مواقع التواصل الاجتماعي “انستجرام”.
وعاتبت الإعلامية بسمة وهبي قائلة: “شفتي يا بسمة اللي قعدتي تدافعي عنه، وقعدتي قوليله بحبك، واتكلمت عليه كلام كويس، أنا ندمانة إن قلت الكلمة دي، وسمعت كلامك، مكانش ينفع أقول الكلمة دي، شوفي طالع بيقول إيه عليا، وبيتكلم في سيرتي وعرضي وشرفي”.
واضافت بوسي: “من ساعة ما حصلت المشاكل، عمر ما جبت سيرته بكلمة وحشة، ولا قلت عليه كلمة وحشة، ولا خضت في شرفه ولا في عرضه، أنا عمري ما أعمل كده، عشان دي تربيتي وأخلاقي.
وأوضحت بوسي بقولها: “ده الفرق بين تربية شارع الهرم والكباريهات وتربية ابن الناس وابن الأصول اللي بيفهم في الأصول الفلاح، اللي عنده بنات وإخوات، معملش حساب للكلام ده”.
وأضافت بوسي: “مكنتش متخيلة إن الشهرة شغلاه، على قفا الست اللي كانت مراته في يوم من الأيام، واللي كانت بتنام جنبه على سرير واحد، وبياكلوا مع بعض عيش وملح”.
واختتمت حديثها قائلة: “مصدومة ومعنديش كلام أقوله، بجد مش عارفة أقول إيه، والمشكلة أن يوم التصوير بعد الحلقة، جه واتعشى معايا وعلاقتنا كويسة جدًا، بس مكنتش متخيلة إن بعد الكلام الكويس، وإني بدافع عنه واطلعه مظلوم وبريء، يبقى ده جزائي”.
وأضافت بوسي: “مش قادرة أقول غير حسبي الله ونعم الوكيل، مش عامل حساب للشهر الفضيل، وإنه بيعمل عمرة وفي الكعبة، وبيتكلم عن مراته”.
علي الجانب الآخر، كذبها طليقها وقال: “بدأت حياتها معايا بكذب، إن هي كانت متجوّزة قبلي ومقلتش ليا، حتى أنا قلتلها إزاي يا بوسي نحط إيدينا في إيدين بعض، وإحنا جواز على سُنّة الله ورسوله وفرح وعيلة محترمة وأسرة ونسب، وفي الآخر إنتي متجّزة قبلي ومقولتيش ليا، طبعًا مكنش لها رد، لأن كان الموضوع اتعرف.