علق الإعلامي تامر أمين على هجوم بيومي فؤاد على زميله محمد سلام بعد فيديو إعتذار سلام عن دورة في المسرحية التي كان من المقرر عرضها خلال موسم الرياض بالسعودية.
تحدث تامر أمين في برنامجه “أخر النهار” الذي يعرض على قناة النهار وقال أن بيومي فؤاد ليس من حقه الحديث في هذا الموضوع وكل شخص حر في رآيه.
قال أمين: “انت كنت عايز تدافع عن نفسك وعن المجموعة اللي سافرت واشتغلت، الزاوية الوحيدة اللي كان ينفع تتكلم فيها، إنك تقول إن ده شغلنا إحنا ملتزمين تجاه شغلنا، وإن ده مينفعش أبدًا تضامننا مع الشعب الفلسطيني الشقيق”.
وتابع أمين قائلاً: “قلت إحنا بنحب السعودية أوي، هو إيه دخل حب أو كره السعودية في الموضوع، القصة في الشغل، إيه علاقة السعودية؟! وإنك تقول إن ليك الشرف أنك تتصور مع مواطن سعودي، النجوم والفنانين كل الناس هي اللي ليها الشرف أنها تتصور معها”.
وأكمل حديثه قائلاً: “كمان تصريح إننا مش جايين عشان الفلوس، إيه دخل الفلوس في الموضوع، ذكر الفلوس هو اللي جابلك الكلام، كلنا بنشتغل عشان الفلوس هو في حد بيشتغل مجانا، والشغل عشان الفلوس الحلال مش عيب، ده شرف، بس اللي إحنا بنعمله لازم يكون رسالة، لكن السؤال الضحك إمتى؟! ووقته عامل إزاي؟!”.