علقت الفنانة ساندي علي مشاركتها في فيلم تاج ونشرت البوستر الرسمي للفيلم عبر صفحتها الرسمية بموقع التواصل الإجتماعي إنستجرام.
وكتبت ساندي :”من كام ساعه بس شوفت الفيلم كامل لاول مره في العرض التجريبي و حقيقي مبسوطه اوي اني شاركت في عمل دمه خفيف و مختلف كده ضحكت من قلبي و افيهات مختلفه حقيقي حاجه جديده علي عيني ان فيلم مصري يتعمل حلو كده و نقدر نخلق جوه كل طفل انه ممكن يكون بطل بيساعد الناس حقيقي الفيلم حلو اوي مش عشان بمثل فيه و لكن دي شهادة حق لتامر و كل صناع العمل اللي تعبوا عليه بجد براڤوو عليه “.
وكان قد وجه الفنان تامر حسني رسالة إلي الفنانة ساندي، التي تشاركه فيلمه القادم “تاج” بعد اعتذار مي عمر عن القيام بدور البطولة النسائية أمامه .
ونشر تامر حسني فيديو من تصريحات الفنانة ساندي عنه، عبر حسابه الشخصي بموقع التواصل الإجتماعي للصور و الفيديوهات إنستجرام.
وكتب تامر حسني :”شكراً يا ساندي على كلامك الراقي اللي أكيد وصلي عشان طالع من قلبك .. إن شاء الله تكسري الدنيا في الفيلم تستاهلي كل خير عشان.. موهوبه فعلاً و قلبك جميل زيك، ألف ألف شكر ليكي و للمذيع المحترم عبد العزيز أحمد”.