حسن شاكوش وزوجته.. أعلنت ريم طارق طليقة حسن شاكوش، انتهاء الخلافات التي بينهما والتي وصلت إلى المحاكم بعد زواج لمدة أقل من شهرين.
حسن شاكوش وزوجته
قالت ريم طارق، في فيديو لبرنامج “دعوة فرح”، الذي تقدمه الإعلامية فرح شعبان على شاشة قناة “هي”: “الحمدلله اخدت كل حقوقي الشرعية من حسن، والحمدلله اني طلعت شخص كويس، وهو كمان شخص كويس، وراجل محترم.
وأضافت ريم طارق، طليقة حسن شاكوش: كل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله أو من أهلي أو مامته في حقهم على راسي وكل شئ قسمة ونصيب”.
وقال حسن شاكوش ردا على تصريحات ريم طارق بانتهاء الأزمة: بشكرك يا ريم على كلمة الحق اللي قولتيها في حقي دلوقتي وذكرتي إنك مشوفتيش مني غير الخير، وقابل اعتذارك على ما صدر منك وأنا مكنش لي أي رد فعل قدام الناس ومش من تربيتي أشهر ببنات الناس حتى لو رد على كلام جرحني أو أساء لي مع أن ده كان مقصر علي نفسيا وعلى أهلي وكل اللي حوليا.
وأضاف حسن شاكوش: قابل اعتذارك وعفا الله عما سلف والمسامح كريم واتمنالك كل خير في حياتك واشوفك دايما بخير.