قال حمو بيكا، مطرب المهرجانات، إن هو مطرب المهرجانات الوحيد الذي يمتلك ستوديو، وأنه كان السبب في ظهور حسن شاكوش على الشاشات، على الرغم من أن الأخير يزعم بأنه يغني من 13 عاما، “هو محدش عرفه غير معايا، ولما عمل أول أغنية معايا اتقالي مين ده”.
حمو بيكا يفجر مفاجآت حول حسن شاكوش
وأضاف “بيكا”، خلال لقاء خاص مع الإعلامية بسمة وهبة في برنامج “العرافة” المذاع عبر فضائية “المحور”، أن أغلب الأغاني التي ظهر بها الفنان حسن شاكوش ونجح بيها هي أغاني خاصة بي منها “شمس المجرة” و”بنتخان”: “كل الأغاني دي بتاعتي، وطالعة من الاستوديو بتاعي، هو مكنش عنده استوديو أصلا”.
وتابع: “بيعمل ممول على قنواته على السوشيال ميديا لزيادة المشاهدات، وده مش أساس في النجومية، وحسن شاكوش مش أحسن مني”.
وأردف: “أنا المدرسة بتاعت مطربي المهرجانات، وأنا اللي خليته مشهور وأنا اللي خليته حسن شاكوش دلوقتي، هو معملش نفسه غير معايا”.