شاركت الفنانة بدرية طلبة جمهورها بأغرب رسالة وصلتها من أحد متابعيها، وذلك من خلال حسابها الرسمي بموقع التواصل الاجتماعي الأشهر عالمياً “فيس بوك“.
نشرت بدرية لقطة مصورة من الرسالة التي تلقتها مؤخراً من فتاة طلبت منها سيارة لكي تذهب بها إلى الجامعة لافتة أن هذا حلمها الوحيد حتى ولو كانت مُستعملة من قبل، وتضمنت الرسالة: “السلام عليكم أنا بحب حضرتك جداً وبحب كل أعمالك ربنا يوفقك يارب أنا نفسي يكون عندي عربية أروح بيها الجامعة”.
وأضافت: “حتى لو عربية مستعملة ده حلمي ممكن تساعديني وهكون متشكرالك جداً جداً .. حلمي من زمان اروح الجامعة بعربيتي .. حتى لو هتكون عربية مستعملة ده حلمي”.
وعلقت بدرية طلبة على الرسالة قائلة: “بتجيلي طلبات تدهشني .. زي مثلا واحدة طلبت 15 مليون تسددهم للبنك، لأنها واخدة قروض هي واخواتها يعملو مشروع والمشروع فشل وخسرو فلوسهم والبنك اخد حكم عليهم .. إلتمست لها العذر لأنها غرقانة، والغرقان بيدور علي قشاية زي ما بيقولو وطبعا أنا ولا رديت عليها لأن إللي يفك كرب حد مش هيفكه بالرقم ده، ده لو كان معايا أصلا”.
وتابعت: “لكن واحدة زي دي لما تطلب طلب زي ده، هنا بقي الإندهاش زاد جدا.. عربية إيه حضرتك!! فيه ناس مش لاقية رغيف فاضي مش هرد هسيب الوحش بتاعنا يرد”.
بدرية طلبة تُهدي تكريمها في مهرجان الإسكندرية للراحل سعيد صالح
من ناحية أخرى، تم تكريم الفنانة بدرية طلبة، خلال فعاليات مهرجان الإسكندرية المسرحي الدولي في دورته الـ 12، والذي أقيم على مسرح قصر ثقافة الأنفوشي، وأهدت هذا التكريم للفنان الراحل سعيد صالح، ردًا منها على كل من حاول التقليل منه ومن موهبته.