دافع الفنان شريف منير بشدة عن ابنته، أسما شريف منير، إثر الجدل الذي تفجر على مواقع التواصل الاجتماعي بعد قيامها بقص شعرها أمام الكاميرا.
جاء ذلك في فيديو شريف منير عبر حسابه الشخصي على منصة إنستجرام، معبّرا عن إستيائه من الضجة المفتعلة حول لوك اسما شريف منير، مؤكدًا أن هذا التصرف بسيط “لا يستحق كل هذه الدوشة” على حد وصفه .
شريف منير: اوعوا تفتكروا إني ممكن أجي على بنتي
أكد أنها شخصية طبيعية وأنه لا يوجد أي خطأ فيما فعلته موضحا أنه لن يقوم بتوجيه انتقادات أو غضب لابنته بسبب ردود الفعل السلبية التي قد توجه لها من بعض الناس، وأنه يحبها كثيرًا ويدعمها.
وعبّر شريف منير عن إعجابه باللوك الجديد الذي قامت بتجربته ابنته، وأكد أنه مبسوط لها ولإختيارها.
أشار أيضًا إلى أهمية عدم الاندفاع وراء التعليقات السلبية والانتقادات، وأكد أنه يحمي ابنته، لكنها أيضًا مسؤولة عن تصرفاتها.
وفي ختام الفيديو، شدد على ضرورة التفكير قبل الانتقاد والانتقال إلى الاتهامات، داعيًا الجميع إلى أن ينظروا إلى بيوتهم وأولادهم قبل أن ينتقدوا الآخرين.
وجاء في نص تعليق الفنان الشهير :
-
- ايه الدوشة اللى أنتوا عاملينها دي ايه الضجة اللى انتوا عاملينها
- كل ده عشان بنتي قصت شعرها قدام الكاميرا.. إيه الغلط اللي هي عملته.
- اللي حصل من بنتي مش غلط ومش عيب هي مغلطتش في حد فيكو ومغلطتش في نفسها
- اوعوا تفتكروا إني ممكن أجي على بنتي عشان خاطر أكسب رضاكم.. دي بنتي اللي مليش غيرها واللي بحبها.
- بالمناسبة اللوك اللي عملته عاجبني.. أنا مبسوط منها أوي
- بس قبل الملايكة والصالحين اللى بيهاجموا وبيقولوا أبوها معرفش يربيها.. لا أبوها رباها كويس أوي
- قبل ما تتكلموا بصوا على بيوتكم وأولادكم وعلى الناس اللى حواليكم قبل ما تنتقدوا وتغلطوا وتقولوا متربتش بتلاته تعريفة
- أنا أب المفروض أحميها لكنها مسؤولة عن تصرفاتها.
- بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد.
- بنتي عندها 36 سنة وأم وعندها بنوتة ومسئولة عن نفسها.. وأنا أب مسئول إني أحميها وهي حرة في تصرفاتها
- متسمعيش كلام حد ومتهتميش بكلام حد وأنا مش مهتم بالكلام اللي بيتقال عليا ولا عليها.
- بحب آكل السمك والرز بإيدي حتى في المحلات الفخمة جدًا تفتكروا دي قلة أدب مني ولا مفيش إتيكيت؟
كان شريف منير قام حذف متابعة ابنته من حسابه بموقع إنستجرام وهو ما اعتبره البعض اعتراضًا على اللوك الأخير .
View this post on Instagram