تداول رواد السوشيال ميديا مقطع فيديو تم نسبه لأحد رجال الأعمال من قاطني الساحل الشمالي تناول أزمة ارتفاع أسعار المأكولات والمشروبات بالساحل الشمالي بطريقة مستفزة، مضمونه “اللي مش قد الساحل ميروحش”.
وأثار الفيديو ردود أفعال رواد التواصل الاجتماعي “فيس بوك” الذين وصفوه بالفيديو المستفز، حيث ظهر صاحب الفيديو مرتديا بدلة ويمسك سيجارا ويتحدث بكل غرور وتكبر.
واختلفت تعليقات الرواد على الفيديو، وإن كانت الأغلبية قد رفضت تصريحاته حول ارتفاع الأسعار وطبيعتها بالنسبة للمستوى الاجتماعي لرواد الساحل الشمالي مؤكدين أنه لم يراعي ظروف الملايين ممن يعيشون في ظروف صعبة مع ارتفاع الأسعار الذي طال كل شيء.
في حين أكد عدد من الرواد أن الفيديو لرجل عادي والغرض منه تصدر الترند فقط، وتحقيق الأرباح من مشاهدات اليوتيوب وقد نجح بالفعل، في حين أكد أخرون أنه مجرد فيديو ساخر لما يحدث على أرض الساحل الشمالي من ارتفاع باهظ للأسعار وصلت فيه زجاجة المياه لـ 150 جنيه.
وأكد صاحب الفيديو في تصريحاته، “في الناس زعلانة من ارتفاع الأسعار في الساحل الشمالي ومستغلية إزارزة المياه وإنها وصلت 250 جنيه واللي بيتكلم عن الفطار وطبق الفول بـ 120 جنيه” مضيفا، “في إيه يا جماعة، أومال احنا رايحين نتفسح ليه؟.. سوري يعني”.
وأكد “اللي مستغلي الحكاية دي ما يروحش، إيه اللي بيجيبه عندنا هناك، يجي ليه معانا .. إحنا في لفل كلنا زي بعض علشان ماحدش يبص لبعض، أنا قاعد في فيلا بـ 120 مليون، إيه المشكلة اننا نستمتع يا جماعة”.
وأضاف: “إيه يعني 250 جنيه إزازة المياه وطبق الفول 120 جنيه، هو احنا بناكله كل يوم، أحنا بنشوفه كل سنة 10 أيام، االي بنروحهم في الساحل وبنرجع تاني”
واختتم الفيديو قائلا: ” الموضوع ده ضايقني جدا، ياريت ماحدش يتكلم في الموضوع ده تاني، ويقول ان دول بتوع الساحل لإن احنا مش كدة خالص، والموضوع ده زعلني خالص، وكدة كتير جدا بصراحة وعيب”.