تستعد النجمة شيرين عبدالوهاب، لطرح أغنية جديدة تحمل اسم “المترو”، خلال الأيام القليلة القادمة، وذلك عبر موقع الفيديوهات الأشهر عالمياً “يوتيوب”، إضافة إلى عدد من منصات الاستماع الشهيرة.
وكشف الشاعر الغنائي أمير طعيمة، عن تعاونه مع النجمة شيرين عبدالوهاب من خلال أغنية “المترو” المقرر طرحها قريباً، إذ نشر البوستر الدعائي للأغنية، معلقاً”:” قريباً .. شيرين عبد الوهاب “.
أزمة شيرين عبدالوهاب وحسام حبيب الأخيرة
وكانت أثارت الفنانة شيرين عبد الوهاب، جدلًا كبيرًا خلال الأسابيع القليلة الماضية، بعد تصريحاتها عن خبايًا علاقتها بالمطرب حسام حبيب، ما جعلها تتصدر قائمة الأكثر بحثاً على موقع البحث العالمي “جوجل”، ومواقع التواصل الاجتماعي المختلفة.
وخرجت شيرين عبدالوهاب عن صمتها، إذ روت تفاصيل جديدة لأول مرة عن خلافاتها مع زوجها السابق حسام حبيب، وتقدمت بإعتذار رسمي للجمهور عبر مداخلة هاتفية في برنامج “كلمة أخيرة” مع الإعلامية لميس الحديدي:”.
وقالت “عبدالوهاب”:” عاوزة أستغفر ربنا على الكذب اللي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مبيحبهاش”.
وأضافت:” كدبت في حاجات كتيرة أوي لأني بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية وأخلص منه ولو كنت قلت كلام وحش وقتها مكانش هيعرف يتجوز وأنا نفسي يتجوز ويبعد عني”.
تابعت شيرين: “أنا ست قاعدة في أمان الله مع بناتي بقالنا 4 سنوات شايفين الويل سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتي ومكناش بنخرج ومكناش عايشين تقريبًا والبنات مكنوش بيعرفوا يقعدوا معايا، لأني كنت عايشة مع زوج مش بيشتغل تقريبًا وكنت محبوسة 24 ساعة في أوضة نومي مش بعمل حاجة، قاعدة بس وأنا غلطت في حق نفسي، وكنت فاكرة أني بحافظ على بيتي لكني اكتشفت أنه مكانش بيت، كانت عيشة فئران أو مصيدة أنا كنت زي الفار اللي بيدخل المصيدة يأكل حتة جبنة”.
شيرين عبدالوهاب:” كنت عايشة مع راجل عنده حب الامتلاك
وتحدثت شيرين عبدالوهاب قائلة:” : “كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك ومع ذلك فضلت جمبه وهو لايعرف إلا فكرة حب الامتلاك وصبرت لأني كنت بحاول أنجح الحب ده ومكنتش بحب أتهزم وأنا بطبعي أكون خدامة الرجل اللي أعيش معاه”.
كشفت النجمة شيرين عبد الوهاب، خبايا علاقتها بالمطرب حسام حبيب، وتفاصيل خلافهما، مشيرة إلى أن بناتها كانوا معرضين للقتل من زوجها السابق.
وقالت “عبدالوهاب” عيالى كانوا هيضربوا بالرصاص، وقبل هذه الواقعة بيومين كنا جالسين فى الفرفة، طلع من الدرج علبة فيها رصاص، وأعطاني رصاصة وقال لى خد دى منى هدية”.
وأضافت: “الحمد لله إنى لسه عايشة، وحسبى الله ونعم الوكيل، أحنا اطلقنا لما قصيت شعرى (بائن)، واللى حصل بعد ما هديت من الكارثة حسيت إن أنا مش قادرة استغنى عنه واديله فرصة تانية”.
وتابعت شرين عبدالوهاب؛” خناقات فيها ضرب وسحل على الأرض وشتيمة عمر ما إنسانة تقبلها على نفسها، واتنيلت على عيني ورجعت فقولنا ندى فرصة تانى وشروط، وبناتى فى بيت تانى ونشتغل لحد ما ابتدت الوعود تتلاشى والمشاكل ترجع تاني وقلة الأدب ترجع تاني”.
وقالت: “كل خناقة تحصل ما بينا يحرق دمي لحد ما امسك المكنة واحلق شعري، وطلعت غنيت عشان بناتي مايتعقدوش وحسستهم إنه (نيو لوك)، تخيلي قد إيه أنا تعبت، ومش بستعر من شكلي.. ولما رجعنا لبعض تاني رجعوا تاني البنات يشوفوا إنه بيتدخل في كل شيء وإنسان معندهوش شغل”.