تستحوذ حالة الدكتور هاني الناظر الصحية، على اهتمام الكثير من مرضاه ومتابعيه، فهو يعد واحدًا من أشهر أطباء الجلدية، والذي خصص جزءً كبيرًا من وقته وعلمه، لمساعده غير القادرين دون مقابل، قبل أن يسقط في قبضة المرض الخبيث منذ أكثر من شهر.
وعقب دخوله العناية المركزة، نتيجة تدهور حالته الصحية، ثم خروجه منها، وينتظر جرعة الكيماوي الثانية، وهو ما دفع ابنته “نجلاء الناظر” مطالبة، كل متابعيه ومحبيه، عبر كلمات مقتضبة سردت من خلال الـ “فيس بوك”
ووجهت نجلاء الناظر الشكر، لكل من توجه بالسؤال عن والدها، مؤكدةً أن حالته الصحية صعبة، قائلة، عبر حسابها الشخصي بموقع التواصل الاجتماعي “فيسبوك” : “أنا بشكر أي حد بيسأل على والدي، أو حابب يتطمن عليه، وبشكركم على دعائكم ليه، أنا بيجيلي رسائل كتير جدًا يوميًا فيه سؤال عنه وعن أحواله الصحية” .
وبالنسبة لحالته الصحية، قالت: «في الواقع وضعه الصحي صعب جدًا وتعبان جدًا، ومحتاج لدعاء الجميع، لكن صعب أرد على الرسائل يوميًا، لأن الوضع صعب تقييمه، قبل ما يمر وقت طويل من العلاج، يعني مش قبل 3 أشهر على الأقل أو أكتر، علشان نقدر نقول فيه تحسُّن”.
وسردت نجلاء الناظر الوضع الصحي له قائلة:” السرطان مرض صعب، وبياخد وقت طويل جدًا في العلاج، اعتقد الكل عارف ده، يعني مش دور برد، ممكن يتحسن في يوم أو اتنين أو حتى أسبوع، يعني لما حد يسألني و بعدها بكام يوم يسألني تاني، هيكون في الأغلب نفس الرد للأسف، وساعات بيكون أسوأ، فأنا بعتذر أني مش بقدر أرد على كل الرسائل، وصدقوني الموضوع مرهق و متعب جدًا مجرد الكلام فيه، يعني بيكون صعب عليا، أفضل أشرح لكل حد مدى تعبه، وهو عامل إزاي ده في حد ذاته شيء مؤلم».
وتابعت: “محدش متخيل هو عامل ازاي دلوقتي للأسف، واتأكدوا لو في أي تطور للأحسن، مش هنخبي على حد، هنقول لكل الناس، وهو بنفسه بإذن الله، هيبقى أول واحد يكتب على صفحته، ربنا يديله الصحة واليوم ده يجي بسرعة أوي”.
والدي بحاجة للدعاء
وطلبت ابنة هاني الناظر، من كل المصريين، الدعاء لوالدها، مؤكدة إنه في أشد الحاجة له قائلة:” أنا بعتذر جدًا جدًا، لكن حقيقي الموضوع صعب أوي نفسيًا علينا كلنا، أنا مُقدّرة شعور كل الناس، وممتنة جدًا لأي حد يسأل عنُّه، شعور جميل ولفتة جميلة جدًا، من كل اللي بيسأل بشكل متواصل، لكن هيكون صعب عليا حقيقي، الرد حاليًا، خصوصًا أننا في أشد مراحل المرض، فقط أرجو الدعاء، له لأنه في أشد الحاجة إليه”.
الجدير بالذكر إن الدكتور هاني الناظر، خرج من الرعاية المركزة مؤخرًا، وتم إيداعه غرفة عادية، في أحد المستشفيات التخصصية، بمدينة الشيخ زايد، بحسب ما ذكره شادي إمام – مدير مركزه الطبي.